भरतपुरलाई वातावरणमैत्री नगर बनाउन प्रतिबद्धता

अन‌ि यो पनि

फोहर, तरकारी बजार, पार्किङ र पशु बधशालाको व्यवस्था गर्न सुझाव [divider]

1 newsभरतपुर । सन् २०१४ सम्ममा चितवनलाई पूर्ण सरसफाइयुक्त जिल्ला घोषणा गर्ने लक्ष्य लिएर अगाडि बढेको चितवनको सदरमुकाम भरतपुर नगरपालिकालाई दुई वर्षभित्र वातावरणमैत्री नगर निमार्णको लागि नगरपालिकाले प्रतिबद्धता जाहेर गरेको छ । न्यूनतम परिसूचकहरुको निमार्ण विना नै नगरपालिकाले यस्तो प्रतिबद्धता जाहेर गरेको हो ।
वातावरणमैत्री शासनको प्रारुप, २०७० मा वातावरणमैत्री सहरका लागि पशु बधशाला निमार्ण, ल्याण्डफिल्डसाइटको निमार्ण, पार्किङसहितको यातायात व्यवस्था प्रत्येक वडामा पार्कको निर्माण हुनुपर्ने उल्लेख छ । अहिलेसम्म नगरपालिकाले यी सूचक पूरा गर्न सकेको देखिँदैन ।
आइतबार भरतपुरमा आयोजित ‘वातावरणमैत्री नगर निर्माण’ विषयक सार्वजनिक सुनुवाई तथा विशेष अन्तत्र्रिmया कार्यक्रममा बोल्ने अधिकांश नगरवासीहरुले नगरपालिकाभित्र खानेपानी तथा ढलको समस्या आएको औंल्याएका थिए । कार्यक्रममा तरकारी तथा फलफूल व्यवसायी संघका महासचिव मुकुन्दप्रसाद गौतमले नगरपालिकाभित्र रहेको एकमात्र ताजा फलफूल तथा तरकारी बजार व्यवस्थित गर्न माग गरेका छन् ।
सीमित क्षेत्रफलमा रहेको बजार साँघुरो भएको र व्यवस्थापनमा कठिनाइ भएको उनको भनाइ थियो । उनले बजारमा फराकिलो ठाउँमा स्थानान्तरण गर्नुपर्ने बताए । साँघुरो र राजमार्गसँगै जोडिएकोले यातायातमा समेत कठिनाइ भएको बताए ।
प्रभावकारी हुुँदै गएको सुइरो कार्यक्रमलाई पुनः सञ्चालनमा ल्याउनुपर्ने मन सेनले बताइन् । उनले सुइरो कार्यक्रमलाई सञ्चालनमा ल्याए फोहोर व्यवस्थापनमा सजिलो हुनुका साथै  स्थानीयको आम्दानीसमेत बढ्ने बताइन् ।
कार्यक्रममा भरतपुर नगरपालिका ८ का जगन्नाथ कँडेलले वडास्तरीय समन्वय समितिको काम प्रभावकारी नभएकोे बताए । उनले समितिले केही पैसा उठाउने र बाँड्ने बाहेकका काम नगरेको जिकिर गरे । भरतपुर नगरपालिकाका वातावरण शाखाका इञ्जिनियर विराट घिमिरेले फोहर तथा नाली व्यवस्थापनका लागि नगरक्षेत्रमा आर्थिक समस्या आएको बताए । नारायणगढ क्षेत्रका कोही वडामा स्थानीयले सरसफाइ शुल्क निदिँदा समस्या आएको उनको भनाइ थियो ।
कार्यक्रममा भरतपुर नगरपालिकाका कार्यकारी अधिकृत नारायण सापकोटाले दुई वर्षभित्र नगरपालिकाले छुट्टै ल्याण्डफिल्ड साइट सञ्चालनमा ल्याउने बताए । आगामी नगरपरिषदबाट सोधभर्ना जग्गा किन्न बजेट विनियोजन गर्ने भन्दै उनले त्यसपछि ल्याण्डफिल्ड साइटको निर्माण थालिने बताए ।
उनले एक वर्षभित्रमा नगरपालिकाको कार्यालयलाई वातावरणमैत्री बनाउने र तर अर्को एक वर्षमा नगरलाई नै वातावरण बनाउने दावी गरे । कार्यकारी अधिकृत सापकोटाले नगरपालिका त्यसको लागि पोलिसी निर्माण गरिरहेको बताउँदै पोलिसी स्वीकृत भएसँगै नेपाल सरकारमार्फत डीएफआईडीको सहयोग प्राप्त हुने जानकारी दिए ।
पशु बधशाला निर्माण पनि सूचकको रुपमा रहेको भन्दै नगरपालिकाले त्यसतर्फ योजना बनाउने बताए ।
कार्यक्रममा उद्योग वाणिज्य संघ चितवनका अध्यक्ष डा. तिलचन्द्र गौतमले नगरपालिकाले ल्याउने सही कार्यक्रममा आफ्नो समर्थन र प्रतिबद्धता रहेको भन्दै वातावरणमैत्री नगर बनाउन आफ्नो ठाउँबाट लाग्ने बताए । संघ नारायणी नदीको संरक्षणको लागि वार्षिकरुपमा बजेट विनियोजन गर्ने गरेको भन्दै चालु आर्थिक वर्षमा नदी किनार संरक्षणको लागि १० लाख रूपैयाँ विनियोजन गरेको जानकारी दिए ।
भट्टराईले नारायणी नदीको नगर वनदेखि देवघाटसम्म संरक्षण गरी पर्यटकीय गन्तव्यको रुपमा विकास गर्नुपर्ने बताए ।
त्यस्तै, भरतपुर खानेपानी बोर्डका कार्यकारी निर्देशक शालिकराम पौडेलले २८ हजार घरधुरी रहेको नगरपालिकाका १५ हजार घरधुरीलाई निजी धाराबाट खानेपानी सुबिधा उपलव्ध गराएको भन्दै बाँकीलाई घरधुरीलाई पनि खानेपानी व्यवस्था मिलाउन लागिपर्ने बताए ।
भरतपुर नगरपालिकाले नगरलाई वातावरणमैत्री नगर निर्माणका प्रयासहरु आफ्नै कारणबाट असफल भएको नगरवासीहरुले आरोप समेत लगाए ।
नगरस्तरीय टोल सुधार समितिका अध्यक्ष हिरामणि अधिकारीले नगरपालिकाका कार्यक्रमलाई टोलस्तरमा पु¥याउन सहयोग गर्ने भन्दै वातावरणमैत्री नगर बनाउन प्रतिबद्धता जाहेर गरेका थिए । कार्यक्रम भरतपुर नगरपालिका र सामुदायिक रेडियो ध्रुवताराको सहकार्यमा भएको थियो ।

प्रतिकृया

मुख्य समाचार

प्रतिनिधिसभा विघटनविरुद्धको रिटमाथि बहस पुनः सुरु

काठमाडौँ । सर्वोच्च अदालतमा प्रतिनिधिसभा विघटनविरुद्ध शेरबहादुर देउवासहितका सांसदले दायर गरेको रिटमाथि पुनः आजदेखि बहस सुरु भएको छ । सर्वोच्च...

धेरै पढिएको

अन्य समाचार

प्रतिकृया