बछौली । मध्यवर्ती क्षेत्रभित्र बसोबास गर्ने उपभोक्ताहरुका लागि खर–खडाई निकासी गर्न आज शनिबारदेखि तीन दिनका लागि निकुञ्ज खुला गरिएको छ । उपभोक्ताहरुको आवश्यकतालाई मध्यनजर गरी निकुञ्जको पूर्वीसेक्टर अन्तर्गत मध्यवर्ती क्षेत्रभित्र बसोबास गर्ने उपभोक्ताका लागि निकुञ्ज खुला गरिएको हो ।
उपभोक्ताले तीन दिनसम्म निकुञ्जमा गएर खर, खडाई, बाबियो, सिम्ठी र झ्याक्सी निकासी गर्न अनुमति दिइएको चितवन निकुञ्ज अन्तर्गतको मृगकुञ्ज उपभोक्ता समितिका अध्यक्ष बासुदेव चापागाईंले जानकारी दिनुभयो । निकुञ्जले पूर्वी सेक्टरअन्तर्गत मृगकुञ्ज, बुढिराप्ती, लोथर र खगेन्द्रमल्ली उपभोक्ता समितिलाई व्यवस्थापनको जिम्मा दिएको उहाँले जानकारी दिनुभयो ।
उपभोक्ता समितिहरुले व्यस्थापन गर्ने भए पनि अनुगमन भने निकुञ्ज र नेपाली सेनाले गर्ने मृगकुञ्ज उपभोक्ता समितिका अध्यक्ष बासुदेव चापागार्इंले जानकारी दिनुभयो । निकुञ्जले उपभोक्ताहरुको आवश्यकतालाई हेरेर हरेक वर्ष निकुञ्ज खुला गर्ने गरेका छन् ।
Discussion about this post