श्रेष्ठलाई स्वागत, सापकोटाको बिदाइ

रत्ननगर । रत्ननगर नगरपालिकाको प्रमुख कार्यकारी अधिकृतमा सरूवा भएर आउनु भएका सहदेवप्रसाद श्रेष्ठले कार्यभार समाल्नु भएको छ । नगरपालिकाका कार्यकारी अधिकृत पुरूषोतम सापकोटा सरूवा भएपछि श्रेष्ठले नगरपालिकामा कार्यकारी अधिकृतको बिहीबारबाट पदभार गर्नु भएको हो ।
श्रेष्ठ जिल्ला हुलाक कार्यालय गोरखाबाट सरूवा भई रत्ननगर आउनु भएको हो भने सापकोटा यहाँबाट सरूवा भएर स्थानीय विकास मन्त्रालयमा जानु भएको छ । सापकोटाले करिब २ वर्ष रत्ननगर नगरपालिकाको कार्यकारी अधिकृत भएर काम गर्नु भएको छ भने नयाँ आउने श्रेष्ठ सरकारी तह अनुसार उपसचिव तहका सरकारी कर्मचारी हुनुहुन्छ ।
बिहीबार नेपाल नगरपालिका कर्मचारी एसोसियसन रत्ननगर इकाइले श्रेष्ठलाई स्वागत तथा सापकोटालाई बिदाइ गरेको छ । कार्यक्रममा नयाँ कार्यकारी अधिकृत श्रेष्ठले रत्ननगरको विकासको लागि आफू प्रयत्नशील रहने बताउनुभयो ।