नियम कार्यान्वयन गर्न जोड

भरतपुर । बालबालिकाको संरक्षण गर्न बनेका ऐन तथा नियमहरु कार्यान्वयन गर्न अधिकारकर्मीहरुले जोड दिएका छन् ।
केन्द्रीय बाल कल्याण समिति तथा युनिसेफको आयोजनामा भरतपुरमा भएको घटना व्यवस्थापन कार्यप्रवाह तालिममा सहभागी बालअधिकार क्षेत्रमा कृयाशील अगुवाहरुले कार्यान्वयन पक्ष फितलो भएको भन्दै गुनासो गरेका थिए । तालिममा चितवनसहित ५ जिल्लाका बालसंरक्षणमा कृयाशील संस्थाका प्रमुखहरुको सहभागिता छ । केन्द्रीय बाल कल्याण समितिकी कार्यक्रम व्यवस्थापक निता गुरूङले बाल संरक्षण गर्न बनेको निर्देशिका बारे ज्ञान दिन तालिम सुरू गरिएको बताउनुभयो ।
उहाँले कानुनले अख्तियारी दिएका संस्थाले समन्वय र सहकार्य गर्न नसक्दा बालबालिका जोखिममा पर्दै गएको बताउनुभयो ।
घोराही नगरपालिकाका शाखा अधिकृत सुवोद रेग्मीले भविष्यका कर्णाधार बालबालिकालाई वर्तमानको साझेदार बनाउन स्थानीय समुदायदेखि निकाय सबै लाग्नुपर्ने बताउनुभयो । दुव्र्यवहार, श्रमशोषण, यौनशोषण, अलपत्र पारिने, बेचिने हराउनेजस्ता समस्याबाट कैयन बालबालिकाहरु पीडित बन्ने गरेको पाइन्छ ।
लेखनाथ नगरपालिकाका बालबालिकासम्बन्धी कार्यक्रमका फोकल पर्सन नवराज सापकोटाले नगरपालिका Ôेत्रभित्र रहेका बालश्रमिक न्यूनीकरण गर्न विशेÈ योजना बनाउनु पर्नेमा समेत जोड दिनु भएको छ । भरतपुर नगरपालिकाका सामाजिक विकास अधिकृत रामकृष्ण ढकालले समस्या निराकरण गर्न स्थानीय समुदायसँगको सहकार्यमा जोड दिइएको बताउनुभयो ।
कानुनले प्रमुख जिल्ला अधिकारीलाई बालसंरक्षण गर्ने अधिकार बढी दिएपनि कामको चापले गर्दा प्राथमिकतामा पर्न नसक्दा समस्या झनै बल्झिदै गएको सहभागीको ठम्याइ थियो । बालगृहको अनुगमन गरेर बाल संरक्षण कार्यलाई उच्च प्राथमिकता दिनुपर्नेमा समेत जोड दिइएको छ ।
बालअधिकार अधिकृत, बालकल्याण अधिकारी, प्राथमिक सेवाप्रदायक, गैहसरकारी सस्था बीचसमेत समन्वयको अभाव देखिएको छ । तालिममा बालअधिकारकर्मी उद्धवराज पौडेल, बालसंरक्षण संयोजक नवजित कर्मचार्य लगायतले सहजीकरण गरेका थिए । तालिम आज शुक्रबारसम्म चल्नेछ ।