चारदिने आँखा शिविर सकियो

भण्डारा । पूर्वीचितवनको भण्डारामा जारी ४ दिने निःशुल्क आँखा शिविर बुधबार  भएको छ । ४ दिनसम्म भएको शिविरमा ६६६ जनाले आँखा जाँच गराएका थिए । शिविरमा मोतिया विन्दू भएका ६६ जनाको निःशुल्क सल्यक्रियासमेत भएको थियो । शिविर समापन कार्यक्रमका प्रमुख अतिथि वरिष्ठ समाजसेवी जागृतप्रसाद भेटवाल रहनु भएको थियो ।
कार्यक्रममा भण्डारा स्वास्थ्य चौकीका प्रमुख निमल घिमिरे, नेपाल आँखा अस्पताल त्रिपुरेश्वरका डाक्टर बिन्दुप्रसाद डुङगेल, इलाका कार्यालय भण्डाराका प्रमुख राममणि उप्रेती, भण्डारा समाज काठमाडाँैका निःशुल्क आँखा शिविर कार्यक्रम संयोजक राजन सेढाई, रोटरी क्लब अफ रत्ननगरका अध्यक्ष बुद्धराम जोशी र सेवाग्राहीहरुको तर्फबाट प्रतिनिधि गर्दै चुडामणि बर्ताैलाले मन्तव्य दिनुभएको थियो । रोट्¥याक्ट क्लब अफ रत्ननगरकी अध्यक्षले स्वागत मन्तव्य व्यक्त गर्नुभएको थियो ।
सो कार्यक्रममा आँखा शिविरमा सहयोग गर्नु हुने नेपाल आँखा अस्पताल त्रिपुरेश्वरका डाक्टर बिन्दुप्रसाद डुङगेलको टिमलाई मायाको चिनो वितरण गरिएको थियो ।