भरतपुर । चितवनमा बुधबारदेखि राष्ट्रपति रनिङ शिल्ड खेलकुद प्रतियोगिता सुरु हुँदैछ । चितवनको क्षेत्र नम्वर १ र २ मा हुने खेलको उद्घाटन गरिने आयोजकले जनाएको छ । क्षेत्र नम्बर १ मा सशस्त्र प्रहरी बल गढीमाई गढ भण्डाराका प्रमुख मुरारी बस्नेतले तथा क्षेत्र नम्वर २ मा जिल्ला शिक्षा अधिकारी रमाकान्त शर्माले उद्घाटन गर्ने कार्यक्रम रहेको जिल्ला खेलकुद विकास समितिका सदस्य सचिव रामजी ढकालले जानकारी दिनुभयो ।
दुवै क्षेत्रमा उद्घाटन खेल एथलेक्टिस र भलिवल हुने आयोजकले जनाएको छ । राष्ट्रपति रनिङ शिल्ड व्यवस्थापन तथा निर्देशन समितिको आयोजनामा हुने सो प्रतियोगितामा चितवनका ५ वटै निर्वाचन क्षेत्रमा अन्तरमावि स्तरीय खेलहरु हुने जिल्ला खेलकुद विकास समितिका सदस्य सचिव रामजी ढकालले जानकारी दिनुभयो । राष्ट्रपति रनिङ शिल्ड खेलकुद प्रतियोगिता अन्र्तगत तेक्वान्दो, उसु, एथ्लेक्टिस, भलिवल, सितेरियो कराते खेलहरु हुने ढकालले जानकारी दिनुभयो ।
जिल्लाभरका सामुदायिक र संस्थागत विद्यालयका विद्यार्थीहरुको सहभागिता रहने सो प्रतियोगिताको कराते खेल पुष १६ र १७ गते भरतपुरको कर्भड हल, तेक्वान्दो खेल रत्ननगरको नेपाल उच्च माविमा पुष १९ र २० गते तथा उसु खेल पुष २० गते भरतपुर कर्भड हलमा हुने बताइएको छ ।
Discussion about this post