सुनचाँदी व्यवसायीको ध्यानाकर्षण

भरतपुर । सुनचाँदी व्यवसायी संघ चितवनले आफूहरुमाथि राज्यले गरेका अन्यायको विषयमा आइतबार प्रमुख जिल्ला अधिकारीको ध्यानाकर्षण गराएका छन् ।
केन्द्रीय पदाधिकारी र जिल्ला कार्यसमितिका पदाधिकारी तथा प्रतिनिधिले प्रमुख जिल्ला अधिकारीसमक्ष कुरा राखेको संघका चितवन अध्यक्ष विपिन रामुदामुले वताए । यसअघि संघले गत शनिबार उद्योग बाणिज्य संघ चितवनका पदाधिकारीसमक्ष आफ्ना गुनासाहरु राखेका थिए । सो अवसरमा प्रजिअलाई ज्ञापनपत्र पनि बुझाइएको थियो । राज्यले अन्यायपूर्ण तरिकाले व्यवहार गरेको सुनचाँदी व्यवसायी महासंघका उपाध्यक्ष ज्ञानेन्द्रमान शाक्यले बताउनुभयो ।
त्यस्तै सरुवा भइ जान लाग्नु भएका वडा प्रहरी कार्यालय नारायणगढका प्रहरी निरीक्षक मदनजित महरालाई पनि आइतबार नै एक कार्यक्रमकोबीच संघले विदाइ गरेको छ ।