एथलेटिक्समा वाल्मीकि पहिलो

भरतपुर । जिल्ला स्तरीय अन्तर निजी विद्यालयस्तरीय एथलेटिक्स प्रतियोगितामा वाल्मीकि शिक्षा सदन भरतपुर पहिलो भएको छ ।
प्रतियोगितामा स्मल हेभन स्कुल कल्याणपुरले आयोजना गरेको चांैथो संस्करणको जिल्लास्तरीय एथलेटिक्स प्रतियोगितामा कुल ४१ अंक ल्याउँदै वाल्मीकि पहिलो भएको हो । आयोजक स्मल हेभनले ४० अंक ल्याउँदै दोस्रो र २१ अंक ल्याउँदै जनप्रिय स्कुल तेस्रो भए ।
चितवन जिल्लाका १७ विद्यालय सहभागी भएको प्रतियोगितामा वाल्मीकि शिक्षा सदनले २ स्वर्ण, ९ कास्य र २ रजत पदक जितेको थियो । स्वर्णको ५ अंक, रजतको ३ र कास्यको २ अंक निर्धारण गरिएको थियो । वाल्मीकि भन्दा ५ स्वर्ण बढी ल्याएको स्मल हेभन कल्याणपुरले ७ स्वर्ण, १ रजत र २ कास्य पदक जितेको छ ।
जनप्रियले २ स्वर्ण, १ रजत र ४ कास्य पदक जितेको छ । यस्तै, प्याराडाइजले १ स्र्वण, ३ रजत र १ कास्य जित्यो । विद्यार्थीहरुले एथलेटिक्ससहितका विभिन्न खेलमा प्रतिस्पर्धा गरेका थिए ।
विजयी खेलाडी तथा विद्यार्थीहरुलाई प्याव्सन चितवनका अध्यक्ष बेलबहादुर गुरूङ र स्मल हेभनका प्रिन्सिपल शान्तिराम तिमिल्सिनाले प्रमाणपत्र, पदक तथा मेडल वितरण गर्नुभएको थियो । समापन समोरोहमा स्मल हेभन स्कुलका विद्यार्थीहरुले विभिन्न नृत्यसमेत प्रस्तुत गरेको कार्यक्रम संयोजक सुरेन्द्रकुमार बरालले जानकारी दिनुभयो ।