दुर्घटनामा एकको मृत्यु

नारायणगढ । पृथ्वी राजमार्गअन्तर्गत चितवनको कुरिन्टारमा शनिबार बिहान भएको सवारी दुर्घटनामा एकजनाको मृत्यु भएको छ ।
काठमाडौँबाट नारायणगढतर्फ आउँदै गरेको बाअम ६२ नम्बरको ट्रिपरले काठमाडौँतर्फ जाँदै गरेको लु१ख ३४०७ नम्बरको बसलाई रोकिराखेको अवस्थामा ठक्कर दिँदा बसबाट झर्दै गरेका रुपन्देही मुर्गिया प्रवाहका १४ वर्षीय माधव कुँवरको मृत्यु भएको जिल्ला प्रहरी कार्यालय चितवनले जनाएको छ ।
बसको ठक्करबाट गम्भीर घाइते कुँवरको उपचारका लागि भरतपुर ल्याउँदै गर्दा बाटोमै मृत्यु भएको प्रहरीले जनाएको छ । बसलाई ठक्कर दिने ट्रिपर र चालक इलाका प्रहरी कार्यालय मुग्लिनको नियन्त्रणमा रहेका छन् ।