दुर्घटनामा एकको मृत्यु

रत्ननगर । पूर्वपश्चिम राजमार्गअन्तर्गत रत्ननगरकोे निपनीमा  बुधबार मध्यान्न ट्याङ्करले किचेर एकजनाको मुत्यु भएको छ ।
मृत्यु हुनेमा बारा जयनगर चिउटा ५ का ४८ वर्षीय लालबाबु पटेल रहेको प्रहरीले जनाएको छ । नारायणगढबाट टाँडीतर्फ आउँदै गरेको मोटरसाइकलको पछाडि बसेका पटेललाई ना ४ ख ७१६३ नम्बरको ट्याङकरले किचेको हो ।
टाँडीतर्फ आउँदै गरेको ना ३ ख २९६२ नम्बरको मिनीबसका चालकले दाहिने साइडको ढोका खोल्दा सोही दिसातर्फ आउँदै गरेको मोटरसाइकलमा सवार पटेल ढोकामा ठोक्किएर लड्दा नारायणगढतर्फ जाँदै गरेको ट्याङ्करले किचेर घटनास्थलमै मृत्यु भएको इलाका प्रहरी कार्यालय रत्ननगरका प्रहरी नायव उपरीक्षक नकुल पोखरेलले जानकारी दिनुभयो ।
मोटरसाइकल, ट्याङकर र मिनीबस चालक फरार रहेको बताइएको छ । उनीहरुको खोजी कार्य भइरहेको प्रहरीले जनाएको छ ।