दुर्घटनामा एकको मृत्यु

बर्दघाट । पूर्व–पश्चिम राजमार्गअन्तर्गत नवलपरासीको माकर ४ बर्दघाटमा सोमबार दिउँसो भएको सवारी दुर्घटनामा एक जनाको मृत्यु भएको छ ।
एक जना घाइते भएका छन् । पूर्वबाट पश्चिमतर्फ जाँदै गरेको लु १ ख ७८३२ नम्बरको बसले विपरीत दिशाबाट जाँदै गरेको लु १३ प ५१५९ नम्बरको मोटरसाइकललाई ठक्कर दिँदा मोटसाइकल चालक पाल्पा जिल्ला पिपलडाँडा ४ बस्ने मानबहादुर रानाको घटनास्थलमै मृत्यु भएको प्रहरीले जनाएको छ ।
मोटरसाइकलको पछाडि सवार पाल्पा गोठादी ४ का अन्दाजी २७ वर्षीय कर्णबहादुर नेपाली घाइते भएका छन् । घाइतेको बर्दघाटको स्थानीय अस्पतालमा उपचार भइरहेको प्रहरीले जनाएको छ ।