अनुसन्धान गर्न १२ दिनको म्याद

भरतपुर । गोर्खा फुजेलका कृष्णप्रसाद अधिकारीको हत्याकाण्डका आरोपित मध्येका एक परशुराम पौडेल अजिवलाई जिल्ला अदालतले चितवन प्रहरीलाई अनुसन्धानको लागि १२ दिनको म्याद थप गरेको छ ।
। जिल्ला अदालत भरतपुरका न्यायधीश विनोद मोहन आर्चायको इजसलासले थप अनुसन्धानको लागि म्याद दिएकोे अदालतका नयाव सुब्बा जयनारायण आर्चायले बताउनुभयो । सो अवरमा पौडेल  पक्षका वकिलहरुले भने द्धण्द्धकालको घट्ना भएकाले म्याद थप गर्न नमिल्ने भन्दै उनिहरुले घट्नाको सत्य निरुपण आयोग गठन गर्नुपर्ने तर्क गरेका थिए ।
चितवन जिल्ला प्रहरी कार्यालयले गोर्खा फुजेलका कृष्णप्रसाद अधिकारीको हत्याकाण्डका आरोपितमध्ये भरतपुर नगरपालिका वडा नं ८ गौरीगञ्ज निवासी परशुराम पौडेललाई शनिबार प्रहरीले पक्राउ गरेको थियो । मृतकका दाजु नुरप्रसाद अधिकारीले दिएको किटानी जाहेरीका आधारमा प्रहरीले पौडेललाई पक्राउ गरेको प्रहरी नायव उपरीक्षक सञ्जय राउतले बताए ।
केही महिना अगाडि सोही हत्यामा संलग्न रहेको भन्दै गोर्खा फुजेल–४ का रामप्रसाद अधिकारीलाई पक्राउ गरेको थियो । सरकारी वकिलको कार्यालयले कुनै पनि प्रक्रिया अगाडि नबढाई रामप्रसादलाई रिहा गरेको थियो । जिल्ला सरकारी वकिलको कार्यालय चितवनले प्रमाण नपुगेको भन्दै हाजिरी जमानीमा छाड्न पत्राचार गरेपछि उनलाई छाडिएको थियो ।
छोराको हत्यारालाई पक्राउ गरी कारबाहीको माग गर्दै उनका मातापिता पछिल्लो पटक डेढ महिनादेखि काठमाडौँमा आमरण अनशनमा बसेका छन् । कृष्णप्रसाद अधिकारीको विसं. २०६१ सालमा पूर्वीचितवनको रत्ननगरबाट अपहरण गरी हत्या भएको थियो । तत्कालीन विद्रोही माओवादीले यसको जिम्मा लिएको थियो ।
प्रतिवादी पौडेलको तर्फबाट अधिवक्ताहरु धर्मराज आचार्य, बद्री पौडेल, छायाँकुमारी चन्द, खगराज कँडेल, गंगाबहादुर कोइराला, प्रकाश रेग्मी र लक्ष्मण अधिकारीले बहस गरेका थिए ।
पौडेल आ–आफ्नो कार्याकर्ता भएको दावी [divider]
जिप्रका चितवनले पक्राउ गरेको पौडेललाई दुवै माओवादीले आफ्नो कार्यकर्ता भएको भन्दै रिहाइको माग गरेका छन् । अजिव उपनामबाट चिनिने भरतपुर नगरपालिका–९ शरदपुर घर भएका पौडेल पार्टी एक हुँदा बुद्धिजीवी संगठनका जिल्ला सदस्य थिए ।
दुवै माओवादीले पक्राउ लगतै छुट्टाछुट्टै विज्ञप्ति जारी गरी पौडेल निर्दाेष रहेको भन्दै तत्काल रिहाइको माग गरेका छन् । एकीकृत नेकपा (माओवादी)ले गिरफ्तारको विरोध गर्दै आज दिउँसो ३ देखि ४ बजेसम्म जिल्लाका प्रमुख ६ स्थानमा चक्काजाम ग¥यो ।
त्यस्तै नेकपा–माओवादीका जिल्ला नेतृत्वले पौडेललाई अदालत लगेसँगै आज दिनभर उनको रिहाइ हुनुपर्ने भन्दै जिल्ला अदालत छाडेनन् । एमाओवादी जिल्ला संयोजक घनश्याम दाहालले पौडेल पार्टी फुटेपछि भएको संगठनको जिल्ला भेलाको प्रतिनिधि भएको बताउनुभयो । पौडेलले गएको संविधानसभा निर्वाचनमा समेत प्रचारमा सहयोग पु¥याएको संयोजक दाहालले बताउनुभयो । उता, नेकपा–माओवादीकी जिल्ला सहइन्चार्ज अम्बिका मुडवरीले पौडेल आफ्नो संगठनको सदस्य रहेको दाबी गर्नुभयो ।