काठमाडाँै । एसीसी ट्वान्टी–२० क्रिकेटको विश्वकपमा नेपाललाई पु¥याउने खेलाडीहरुलाई सरकारले जनही १० लाख दिने भएको छ । मन्त्रिपरिषद्को सोमबार बसेको बैठकले बंगलादेशमा हुने सन २०१४ को ट्वान्टी–२० विश्वकप प्रतियोगितामा नेपाललाई पुराउने खेलाडीलाई उक्त राशीको सम्मान सरकारले दिने भएको हो ।
सो प्रतियोगितामा सहभागी १५ जना खेलाडीलाई जनही रु १० लाख, प्रशिक्षकलाई पाँच लाख र व्यवस्थापक, फिजियो थेरापिस्टसहितका अन्यलाई रु तीन लाख ५० हजारका दरले नगद पुरस्कार दिने निर्णय गरेको सञ्चारमन्त्री माधवप्रसाद पौडेलले बताउनुभयो ।
साथै नेपालमा अन्तर्राष्ट्रियस्तरको क्रिकेट प्रतियोगिता गर्ने र नेपालमा क्रिकेटको विकासका लागि आवश्यक भौतिक पूर्वाधार निर्माण गर्ने सम्बन्धमा योजना तयार गरी सरकार समक्ष प्रस्तुत गर्न युवा तथा खेलकुद मन्त्रालयलाई सो बैठकले निर्देशन दिएको छ ।
आइसिसी विश्वकप टी–२० प्रतियोगितामा नेपाली टिमले भाग लिन गर्ने तयारीको सम्बन्धमा आवश्यक पर्ने सम्पूर्ण क्रियाकलापसहितको कार्ययोजना प्रस्तुत गर्न युवा तथा खेलकुद मन्त्रालयलाई निर्देशन दिइएको सरकारका प्रवक्ता पौडेलले बताए ।
Discussion about this post