लघुउद्यम विकास कार्यक्रमको तयारी

सौराहा । सरकारी मातहतका निकायहरुले गरिवी निवारणको लागि सुरू गरेकोे लघुउद्यम विकास कार्यक्रमको ५ वर्षे रणनीति योजना निर्माण गर्न सोमबारदेखि सौराहामा कार्यशाला गोष्ठी सुरू भएको छ ।
लघुउद्यम विकास कार्यक्रम र घरेलु तथा साना उद्योग विकास समितिले आयोजना गरेको कार्यक्रममा गरिबी निवारणको लागि अहिलेसम्म सञ्चालन गरिएका कार्यक्रमको प्रभावकारिता र भावी रणनीतिका बारेमा छलफल गरिने बताइएको छ ।
कार्यक्रममा आर्थिक वर्ष २०६९÷७० को वार्षिक प्रगति समीक्षा तथा चालु आव भावी कार्यनीतिका बारेमा पनि कार्यक्रममा सहभागीहरुको सुझाव संकलन गरी रणनीतिक योजना बनाइने गरिबी निवारणका लागि लघुउद्यम विकास कार्यक्रमका शाख अधिकत माधव बगालेले जानकारी दिनुभयो । कार्यक्रममा गरिबी निवारणका लागि लघु उद्यममार्फत ग्रामीण क्षेत्रमा सञ्चालन गरिएका कार्यक्रम लक्षित वर्गको उत्थानको लागि कार्यक्रमले पु¥याएको सहयोग र साना उद्योगको विकासलगायतको विषयमा एउटा टुङ्गोमा पुगिने घरेलु तथा साना उद्योग विकास समिति अन्तर्गतको लघुउद्यम इकाइका निर्देशक राजेन्द्र मिश्रले बताउनुभयो ।
कार्यक्रमको पहिलो दिन सोमबार सहभागीहरुबाट जिल्ला–जिल्लामा भएका कार्यक्रमको रिपोटिङ र  समूहगत सफल गरिएको छ । कार्यक्रममा उद्योग मन्त्रालयका सहसचिव यमकुमारी खतिवडा, उपसचिव उद्वव रिजाल, उद्योग विभागका उपसचिव गोकुल धिताललगायतका उच्च पदस्त अधिकारी लगायत ५० जनाको सहभागिता रहेको छ ।
उद्घाटन कार्यक्रममा उद्योग मन्त्रालयका सहसचिव यमकुमारी खतिवडाले गरिवी निवारण कार्यक्रम ग्रामीणस्तरमा प्रभावकारी बनाउने गरी योजना निर्माणलाई प्राथमिकता दिनुपर्ने बताउनुभयो । कार्यक्रम घरेलु तथा साना उद्योग विकास समितिका कार्यकारी निर्देशक नवीनकुमार झाको अध्यक्षतामा सम्पन्न भएको थियो । गोष्ठी आज मंगलबारसम्म चल्ने छ ।