भरतपुर । ६० औँ क्षयरोग नियन्त्रण दिवसको अवसरमा नेपाल क्षयरोग निवारण संस्था चितवन शाखा र जिल्ला जनस्वास्थ्य कार्यालय चितवनको संयुक्त आयोजनामा विविध कार्यक्रम सम्पन्न भएको छ ।
‘क्षयरोयमुक्त संसारः सबैका लागि जीवन उपहार’ भन्ने नारासहित शाखा सभापति लीलाराज खरेलको सभापति¤वमा भएको कार्यक्रममा जिल्ला क्षयकुष्ट अधिकृत जयराम दुवाडीले स्वागत मन्तव्यसहित क्षयरोग दिवसका बारेमा चर्चा गर्नुभएको थियो ।
सोही अवसरमा हाम्रो एफएमका अध्यक्ष भोजराज कौडेल, शाखा सचिव कृष्णराज न्यौपाने, ध्रुवराज शर्मा अर्याल, विजयकुमार गुरूङ, ब्रिटेन नेपाल मेडिकल ट्रस्टका जिल्ला सुपरभाइजर राजेन्द्र दाहाललगायतले मन्तव्य राखेका थिए ।
क्षयरोग दिवसका अवसरमा बिरामीहरुलाई फलफूल वितरण, प्रवचन, आमा समूहहरुलाई क्षयरोगसम्बन्धी जनचेतनामूलक कार्यक्रम तथा नगरस्तरीय रनिङशील हाजिरीजवाफ प्रतियोगिता सम्पन्न गरिएको थियो । हाजिरीजवाफ प्रतियोगिताको सभापति¤व जुनियर नाटाका होलीभिजन पव्लिक स्कूल लंकुकी अध्यक्ष सचिना धितालले गर्नुभएको थियो । प्रतियोगितामा प्रेरणा आवासीय उच्च मावि प्रथम, वाल्मीकि शिक्षा सदन द्वितीय, पोलारस्टार आमावि तृतीय भएका थिए ।
Discussion about this post