डिसेम्बर १ लाई एड्स दिवसका रूपमा मनाउने गरिन्छ । सो अवसरमा विभिन्न समयमा एचआईभी एड्सस“ग सम्बन्धित कार्यक्रमहरू त देशव्यापी रूपमा नै आयोजित हुन्छन्, तर ती कार्यक्रमहरू दाताहरूबाट प्राप्त भएको सहयोगलाई आपूmखुसी कसरी प्रयोग गर्ने भन्ने कुरामा मात्र लक्षित भैरहेको देखिन्छ, जसबाट एचआईभी एड्सको क्षेत्रमा विशेष प्रकारको सकारात्मक प्रभाव छोड्न नसकिएको कुरा पटकपटक बाहिर आउनु अस्वाभाविक छैन । विभिन्न तथ्याङ्कहरूलाई आधार मान्ने हो भने विश्वमा एड्सको रोगी देखा परेको आजभन्दा ३ दशक पहिला हो । त्यसपछि अनवरत रूपमा एड्सबाट संक्रमित हुनेहरूको सङ्ख्या दिन प्रतिदिन बढ्दै गएको पाइन्छ । तथ्याङ्कअनुसार हाल एड्सबाट संक्रमित हुनेहरू विश्वमा ४ करोडभन्दा माथि रहेको देखिन्छ ।
एचआईभी एड्सको संक्रमण विभिन्न कारणहरूबाट हुने गरे पनि सबैभन्दा महत्त्वपूर्ण र प्रमुख कारणमा अवैध यौन सम्पर्क नै हो । राष्ट्रिय एड्स तथा यौनरोग नियन्त्रण केन्द्रले सार्वजनिक गरेको तथ्याङ्कलाई आधार मान्ने हो भने हाल नेपालमा एचआईभीबाट संक्रमित हुनेहरू करिब ८० हजारको हाराहारीमा छन् । दर्ता भएकाहरूको सङ्ख्या त २० हजारको आसपासमा मात्र रहेको तथ्याङ्कले उल्लेख गरेको छ । त्यसमध्ये पनि एआरभीको उपचारसेवा पाउनेहरू त नगन्य मात्रामै रहेका देखिन्छन् ।
स्वदेशी तथा विदेशी दाताहरूबाट एड्सको उपचार तथा रोकथामका लागि भनेर करोडौ“ रकम प्रदान त गरिन्छ, तर प्रायः रकम कार्यक्रम र प्रचारप्रसारलगायतका काममा मात्र खर्च भैरहेको अवस्था छ । नेपालमा एड्सको रोकथाम तथा पुनस्र्थापनाका लागि काम गर्ने सम्बन्धित सरकारी तथा गैरसरकारी संस्थाहरूको सङ्ख्या पा“च सयभन्दा बढी नै रहेको कुरा विभिन्न सञ्चारमाध्यमहरूले सार्वजनिक गरेका छन्, तर प्रायः त्यस्ता संघसंस्थाहरूको कामले कुनै पनि प्रभाव छोड्न नसकिरहेको देखिन्छ । अझ कतिपय गैरसरकारी संघसंस्थाहरूले करोडौ“को रकम दुरुपयोग गरिरहेका उदाहरणहरू पनि प्रशस्त रूपमा बेलाबेलामा प्राप्त भैरहन्छन् ।
अझै पनि एड्सप्रतिको धारणा त्यति धेरै सकारात्मक हुन सकिरहेको छैन । एड्स भन्ने थाहा पाएपछि भयभीत भैहाल्नेहरूको सङ्ख्या ठूलो छ । एड्सबाट संंक्रमित भएकाहरूप्रति आप्mनो सोच परिवर्तन गर्नका निम्ति सरोकारवाला संघसंस्थाहरूले प्राप्त गरेको सहयोगलाई उचित प्रकारले सदुपयोग गर्नुपर्ने खा“चो छ । सकारात्मक सोचको विकास नै एड्सबाट संक्रमित भएकाहरूको पुनस्र्थापना तथा उपचारका क्रममा प्रभावकारी कदम हुनेछ भन्ने कुरालाई सम्बन्धित निकायले मनन् गर्न ढिला भैसकेको छ ।
Discussion about this post