आगलागी पीडितलाई सहयोग

जुटपानी । जुटपानी–३ को जुटपानी बजारस्थित २ वटा घरमा विहीबार राति आगलागी भएको छ । आगलागीबाट ४० लाख रुपैयाँ बराबरको घनमाल क्षति भएको प्रहरीले जनाएको छ ।
घरको विद्युत लाईन सर्ट भई २ वटा घर र एउटा गोठ जलेर नष्ट भएको थियो । स्थानीय  धु्रव पोखरेलको घरबाट विजुली सट भई घरमा आगलागी भएको थियो । सो घरमा आगलागीको  क्रममा ग्याँस सिलिण्डर पडकिएपछि छिमेकी गोपीनाथ भट्टराईको घरसहित एउटा गोठ पनि पूर्ण रुपले जलेर नष्ट भएको ईलाका प्रहरी कार्यालय रत्ननगरका प्रहरी निरीक्षक केदार पन्तले जानकारी दिनुभयो । राति २ बजे भएको आगलागी करिव ४ घण्टापछि नियन्त्रणमा आएको थियो । भरतपुर र हेटौडाबाट आएका दुई वटा दमकल, नेपाली सेना, सशस्त्र प्रहरी, नेपाल प्रहरी र स्थानीयबासीको  सहयोगमा आगो नियन्त्रणमा लिइएको थियो ।
आगलागीपछि पीडित परिवारलाई शुक्रबार दिउँसो ंनेपाल रेडक्रस सोसाइटी जुटपानी उपशाखाले कपडा, भाँडा, त्रिपाललगायतका सामग्री सहयोग गरेको थियो । जुनियर रेडक्रस सर्कल सिद्धिविनायक आवासीय मावि खोलेसिमल र रेडक्रस जुटपानीले स्थानीय खोलेसिमल बजारमा संकलन गरेको १० हजार २५ रुपैयाँ आगलागी पीडित परिवारलाई हस्तान्तरण गरेको रेडक्रस शाखा सभापति गणेश शर्मा  पौडेलले  जानकारी दिनुभयो ।