नेपाल क्रिकेटको विश्वकपमा छनोट

नारायणगढ । अर्को वर्ष बंगलादेशमा हुने आईसीसी ट्वान्टी–ट्वान्टी क्रिकेटको विश्वकपका लागि नेपाल छनोट भएको छ ।
बुधबार अबुधावीमा भएको विश्वकप क्रिकेटको छनोट खेलको क्वाटर फाइनलमा हङकङलाई पाँच विकेटले पराजित गरेको थियो । नेपाल सेमिफाइनलमा प्रवेश गर्दै विश्वकप यात्राको टिकट काटेको हो । योसँगै नेपाल सेमिफाइनलमा अफगानिस्थानसँग भिड्नेछ ।
टस जितेर हङकङलाई व्याटिङका लागि निम्ताएको नेपालले हङकङले दिएको १४४ रनको लक्ष्य निर्धारित २० ओभरमा पाँच विकेटको क्षतिमा पूरा ग¥यो । कप्तान पारस खड्का ४६ रन जोडर आउट हुँदा नेपाललाई ९ बलमा १६ रनको आवश्यक परेको अवस्थामा मैदान प्रवेश गरेका प्रदीप ऐरीले २ र स्ट्राइकमा रहेका सरद भेषवाकरले एक रन जोडे । १९ आँै ओभरको समाप्तीमा नेपाल १३१ रनको स्थितिमा रहेको थियो ।
६ बलमा १३ रन आवश्यक भएको नेपालका लागि अन्तिम ओभरको पहिलो बलमा छक्का र दोस्रो बलमा चौका हानी १० रन जोडे तेस्रो बलमा एक रन जोडे । त्यसपछि स्ट्राइकमा आएका प्रदीपले चौथो बलमा रन लिन सकेनन् । नेपाललाई जितका लागि दुई बलमा दुई रन चाहिएको अवस्थामा प्रदीपले पाँचौ बलमा एक रन जोडे ।
त्यतिबेला नेपाललाई विश्वकप क्रिकेट खेल्ने सपना पूरा गर्न एक बलमा एक रनको आवश्यकता परेको थियो । स्ट्राइकमा रहेका सरदले एक रन जोडेर नेपाललाई जित दिलाए । नेपालको जितसँगै अवुधावीको शेख जायद स्टेडियममा भेला भएका नेपाली दर्शकले नेपालको पक्षमा ठूलो आवाज दिएका थिए ।
नेपालको जितका लागि कप्तान पारस खड्काले ३९ बलमा दुई छक्का मद्दतले ४६ रन जोडे । त्यस्तै उपकप्तान ज्ञानेन्द्र मल्लले २७ बलमा ३० रन, सागर पुनले १८ बलमा २२ रन जोडे भने प्रारम्भिक व्याट्म्यान सुभास खकुरेल १६ बलमा १६ रन जोडेर पेवेलियन फर्किए ।
नेपालका लागि जितेन्द्र मुखियाले ३, अभिनास कर्णले २ र पारस खड्काले एक विकेट लिए । नेपाली बलरका सामु हङकङका व्याटस्म्यान धेरैबेर टिक्न सकेनन् । हङकङका व्याट्सम्यान भर्कट २५ रन जोड्दै पारसको बलमा भेसवाकरद्वारा समातिँदा अर्का व्याट्सम्यान निजकट खान  र अफजल पनि २५÷२५ रन जोड्दै रन आउट भए । नपाली कप्तान पारस खेलको म्यान अफदी म्याच घोषित भए ।