९९ उम्मेदवारको धरौटी जफत
भरतपुर । चितवनमा खसेको कुल मतको दस प्रतिशत मत प्राप्त नगरेका चितवनका ९९ जना उम्मेदवारहरुको धरौटी जफत भएको छ ।
उम्मेदवारी दर्ता गर्दा राखिएको ३ हजार रूपैयाँ प्रतिव्यक्ति धरौटी जफत भएको हो । संविधानसभा सदस्य निर्वाचन निर्देशिका २०७० अनुसार पहिलो हुने निर्वाचित हुने निर्वाचन प्रणालीअन्तर्गत निर्वाचनमा मतदान गरिएको जम्मा सदर मतको दस प्रतिशतभन्दा कम मत पाउने उम्मेदवारको धरौटी रकम जफत हुने प्रावधान छ ।
यसै प्रावधानअनुसार सदर मतको दस प्रतिशत मत पनि प्राप्त गर्नअसफल भएपछि ९९ जना उम्मेदवारको धरौटी जफत भएको हो । कुल ११५ जना उम्मेदवार रहेकोमा चितवनको पाँचवटै क्षे त्रमा नेपाली कांग्रेस, नेकपा एमाले, एनेकपा माओवादीका उम्मेदवार र चितवन क्षेत्र ५ का राप्रपाका उम्मेदवार विक्रमपाण्डेको बाहेक अरु सवै उम्मेदवारको धरौटी जफत भएको छ ।
Discussion about this post