परिवार दलको घरदैलो जारी

भरतपुर । नेपाल परिवार दलले चितवनका पाँचैवटा निर्वाचन क्षेत्रमा चुनाव प्रचारप्रसारलाई तीव्रता दिने क्रममा क्षेत्र १ अन्तर्गत उम्मेदवार पातली तामाङको नेतृत्वमा भण्डारा गाविसको धमौरा, डडुवा, वीरेन्द्रनगर गाविसमा घरदैलो कार्यक्रम सम्पन्न गरेको छ ।
यस्तै क्षेत्र २ अन्तर्गत प्रत्यक्ष तथा समानुपातिक उम्मेदवार टंकप्रसाद भट्ट तथा धर्मप्रसाद ढकालको नेतुत्वमा पदमपुर, पिठुवा, शक्तिखोर, रत्ननगर नगरपालिका, सिद्धि, जुटपानी गाविसको खोलेसिमल बजारमा चुनावी कार्यक्रम सम्पन्न गरेको छ । यस्तै क्षेत्र ३ अन्तर्गतका प्रत्यक्ष तथा समानुपातिक उम्मेदवार त्रिभुवन पौडेल तथा शेरबहादुर लामाको नेतुत्वमा भनपा ११, १२, १० लगायतका घरदैलो गरेको छ ।
क्षेत्र ४का उम्मेदवार रोशन पौडेलसहित मंगलपुर, शिवनगर, फूलवारी, भनपाको १३, १४ तथा क्षेत्र ५ का प्रत्यक्ष तथा समानुपातिक उम्मेदवार राजेन्द्रप्रसाद अर्याल र रुकमिणी चौधरीको नेतृत्वमा माडीको अयोध्यापुरी, कल्याणपुर, बरुवा गाविसमा सयौँ कार्यकर्तासहित घरदैलो तथा चुनावी कार्यक्रम भइरहेको चुनाव परिचालन समितिका संयोजक केशव आचार्यले जानकारी दिए ।