चुनावी प्रचारमा स्वाभिमान पार्टी

भरतपुर । राष्ट्रिय स्वाभिमान पार्टी चितवनले संविधानसभा सदस्य निर्वाचन २०७० को चुनावी प्रचारलाई तीव्रता दिएको छ । निर्वाचन प्रचारप्रसारको लागि जिल्लाका सबै निर्वाचन क्षेत्रका उम्मेदवारस“गै घरदैैलोमा हि“डेर चुनावी प्रचार अघि बढाएका हुन् ।
राष्ट्रिय स्वाभिमान पार्टीले शुक्रबार मंगलपुर गाविसको वडा नम्वर ४, ५, ६, ७ र ८, शारदानगर गाविसको सबै वडा, क्षेत्र नम्वर ५ को दिव्यनगर, शुक्रनगर र पार्वतीपुरमा घरदैलो कार्यक्रम गरेको हो ।
राष्ट्रिय स्वाभिमान पार्टी निर्वाचन क्षेत्र नम्वर ४ का प्रत्यक्ष उम्मेदवार प्रेमप्रकाश पौडेलका अनुसार पार्टीका सबै क्षेत्रका उम्मेदवारस“गै भएर घरदैलोमा हि“डेका हुन् । राष्ट्रिय स्वाभिमान पार्टीले चितवन निर्वाचन क्षेत्र नम्वर २ बाट चुनावी प्रचारप्रसारको लागि घरदैलो कार्यक्रम सुरु गरेको हो । यसअघि चितवन क्षेत्र नम्वर २ र ३ का सबै क्षेत्रमा घरदैलो कार्यक्रम सम्पन्न गरेको उम्मेदवार पौडेलले बताए । शनिबारदेखि गीतानगर, फूलबारी, पटिहानी, जगतपुरलगायत निर्वाचन क्षेत्र नम्बर ४ को सबै क्षेत्र र क्षेत्र नम्वर ५ का माडीका चार गाविसमा चुनावी प्रचार प्रसारको कार्यक्रम रहेको उनले बताए ।
राष्ट्रिय स्वाभिमान पार्टीले चितवनको चार वटा निर्वाचन क्षेत्रमा प्रत्यक्ष उम्मेदवार उठाएको छ । क्षेत्र नम्वर १ बाहेक अन्य क्षेत्रमा उम्मेदवार उठाएका हुन् । क्षेत्र नम्वर २ मा इश्वरीचन्द्र कोइराला, क्षेत्र नम्वर ३ मा धु्रवराज मिश्र, क्षेत्र नम्वर ४ मा प्रेमप्रकाश पौडेल र क्षेत्र नम्वर ५ मा देवनारायण भण्डारी उम्मेदवार छन् । हिन्दु राज्य कायम, जातीय संघीयताको विरोध, राज्यले अन्य जातजातिमा राखेकालाई आदिवासीमा सूचीकृत गरिनुपर्ने, जातीय आरक्षण खारेज गरी वर्गीय आरक्षणको व्यवस्था गरिनेलगायतका एजेण्डा राखी संविधान सभा सदस्य निर्वाचन २०७० मा भाग लिएको पार्टीले जनाएको छ ।