नेताको भ¥याङ नबन्ने विद्यार्थीको वाचा

अन‌ि यो पनि

विधुर ढकाल
भरतपुर । संविधानसभा सदस्यको निर्वाचनको लागि अब ११ दिन मात्र बाँकी छ । चुनावी सरगर्मी बढेको त छ, तर यो अवस्थामा युवा विद्यार्थीहरु भने निर्वाचनप्रति त्यति उत्साहित देखिँदैनन् । उनीहरुले अब गएको संविधान सभाको जस्तो नेताको भ¥याङ नबन्ने बताएका छन् ।
अघिल्लो संविधानसभाको निर्वाचनमा मत हाल्न नपाएकोमा चिन्ता व्यक्त गरेका उनीहरु अहिले आएर मत नहालेर ठीक गरेको महसुस गरिरहेको बताउँछन् । संविधानसभाको निर्वाचनबाट संविधान बनाउने भनेर २०६४ सालमा निर्वाचित प्रतिनिधिहरुले संविधान बनाउन नसकेर असफल भए तर तिनै असफलहरु फेरि एक÷दुई वर्षभित्र संविधान बनाउँछौँ भन्दै मत माग्न आइरहेका छन् । उनीहरुमा विश्वास गर्ने ठाउँ नभएको विद्यार्थीहरु बताउँछन् ।
भरतपुरको सप्तगण्डकी बहुमुखी क्याम्पसबाट भर्खर स्नातक तह उत्तीर्ण गरेका गुञ्जनगरका राजेन्द्र भुषाल यसपटक भोट हाल्ने वा नहाल्ने भन्ने निर्णय अझै गरिसकेका छैनन् । ‘अघिल्लो चुनावमा भोट हाल्न पाइएन्, दुःख लागेको थियो’, उनले चितवन पोष्टसँग भने, ‘सभासदहरुले संविधान बनाउन सकेनन्, भोट नहालेर ठीकै गरेछु भन्ने लाग्यो ।’
आफूले मत नहाले पनि कोही न कोही चुनिने हुँदा मत हाल्नुपर्छ जस्तो लागे पनि राम्रा उम्मेद्वार नै नउठेकोले दोधारमा परेको उनको भनाइ छ । ‘मतपत्रमा कोही पनि मनपर्ने उम्मेद्वार देखिँदैनन्’, भुषालले भने, ‘कोही पनि मन परेन भने के गर्ने यसको जवाफ नै छैन ।’
भारतमा भर्खर मतदातालाई अदालतले प्रदान गरेको ‘राइट टु रिजेक्ट’प्रति उनको भनाइ लक्षित थियो । ‘उम्मेद्वारहरु वृद्धभत्ता खाने उमेरका छन् उनीहरुले आफ्नो ज्यानको माया गरून् कि हाम्रो उन्नतिको ?’ उनको सटिक टिप्पणी थियो । उनको क्षेत्रबाट कांग्रेस सभापति सुशील कोइरालाको उम्मेद्वारी छ । उनको उमेर ७० कटेको छ ।
उनीमात्र होइन्, अधिकांश युवा विद्यार्थीहरु अहिले हुन लागेको निर्वाचनले त्यति उत्साहित देखिँदैनन् । बालकुमारी कलेजमा स्नातक तह तेस्रो वर्षमा अध्ययनरत उज्ज्वल आचार्यलाई पनि यसपटकको चुनावले छोएको छैन ।
निर्वाचन आए जस्तो पनि नलागेको उनको भनाइ छ । ‘हामीले भोट हालेर जानेहरु हाम्रा पक्षमा काम गर्छन् भन्ने ग्यारेन्टी नै छैन’, उनले भने, ‘त्यसैले हामीले भोट हाल्नु र नहाल्नुको अर्थ नै छैन ।’
यता वीरेन्द्र बहुमुखी क्याम्पसका कमल विकको भने अलि फरक मत छ । निर्वाचनले उनलाई उत्साहित नबनाए पनि निर्वाचन सदुपयोग गरेर जानुपर्ने उनको भनाइ छ ।
‘हामीले भोट हालौँ नहालौँ निर्वाचन त हुन्छ नै’, उनले भने, ‘बरु भोट हाल्ने निष्पक्ष बनाएर निर्वाचन प्रयोग गर्ने हाम्रा नभई राम्रालाई जिताउने ।’ तर राम्रा मान्छे नै निर्वाचनमा उम्मेद्वार नबनेको उनको भनाइ छ ।
उनले काठमाडौँको चार वटा क्षेत्रबाट स्वतन्त्र उम्मेद्वारी दिएका विवेकशील युवाहरुको उदाहरण दिँदै व्यवसायिक शिक्षित र स्वाभलम्भी युवाहरुले देशको राजनीतिको जिम्मा लिनुपर्ने बताए । ‘अहिले नेताहरुले राजनीतिलाई व्यवसाय बनाएका छन्’, उनले थपे, ‘आफू व्यवसायी बनेर राजनीतिलाई विशुद्ध समाजसेवको रुपमा प्रयोग गर्नुपर्छ ।’
राजनीतिक दलहरुले हरेक पटक युवा विद्यार्थीहरुलाई प्रयोग गरे पनि अवसर भने नदिएको गैंडाकोटमा रहेको अक्सफोर्ड कलेजमा पढ्दै गरेकी सुनिता पौडेलले भनिन् । ‘सधँै युवा विद्यार्थीहरुलाई नेताहरुले भ¥याङमात्र बनाएका छन्, उनीहरुलाई अवसर भने दिन चाहँदैनन् ।’, उनले चितवन पोष्टसँग भनिन्, ‘अहिले पनि हरेकजसो पार्टीले निर्वाचनमा बुढाहरुलाई पनि उम्मेद्वार बनाएका छन् ।’ युवाहरुको पक्षमा संविधान बनाउनको लागि पनि युवाहरुलाई निर्वाचित गर्नुपर्ने उनको भनाइ छ ।
‘हामी युवाहरुले अहिलेको निर्वाचनलाई प्रयोग गरेर पुराना नेतालाई हराएर नयाँ अनुहार ल्याउनुपर्छ’, सुनिताले थपिन्, ‘युवाहरुको अधिक प्रतिनिधि¤व भए हाम्रा समस्याहरु पनि हल हुँदै जान्छन् ।’

प्रतिकृया

मुख्य समाचार

प्रतिनिधिसभा विघटनविरुद्धको रिटमाथि बहस पुनः सुरु

काठमाडौँ । सर्वोच्च अदालतमा प्रतिनिधिसभा विघटनविरुद्ध शेरबहादुर देउवासहितका सांसदले दायर गरेको रिटमाथि पुनः आजदेखि बहस सुरु भएको छ । सर्वोच्च...

धेरै पढिएको

अन्य समाचार

प्रतिकृया