विकास कोइराला घरदैलोमा

भरतपुर । चितवनमा राजनीतिक दलका उम्मेदवारहरुले चुनावी प्रचार–प्रसार अभियानलाई तिव्रता दिएसँगै स्वतन्त्र उम्मेदवारहरुले पनि प्रचार–प्रसार कार्यलाई तीव्रता दिएका छन् । चितवन क्षेत्र ४ मा स्वतन्त्रबाट उम्मेदवार दिएका विकास कोइरालाले पनि चुनावी प्रचारप्रसार अभियानलाई तीव्रता दिएका छन् ।
कोइरालाले बिहीबार क्षेत्र ४ का विभिन्न स्थानमा कोणसभासँगै घरदैलो अभियानलाई जारी राखे । बिहीबार शिवनगरको महेन्द्र चोक, लामा चोकमा सयौँको उपस्थितिमा कोइरालाले कोणसभामा आफू अखण्ड चितवन र युवाको भावनालाई समेटेर अघि बढ्ने भएकोले आफूलाई मतदान दिन आग्रह गरेका थिए । उनले आफू स्वतन्त्र उम्मेदवार भएकाले सबै जनताको साझा उम्मेदवार भएको तर्क गर्दै सबैको आवाज बुलन्द बनाउन चुनाव चिन्ह सयपत्री फूलमा मतदान गर्न आग्रह गरे । कोइरालाले समाज परिवर्तन, न्याय र युवाको भविष्य निर्माण आफ्नो प्राथमिकता रहेको बताए ।
यस्तै कोइरालाले शिवनगर, शारदानगर, मंगलपुरलगायतका स्थानमा मतदाताको घरघरमा पुगी घरदैलो अभियानलाई जारी राखे ।