हतियार बुझाउने बढे

भरतपुर । स्थानीय प्रशासनको आब्हानअनुसार चितवनमा ५८ जनाले हतियार बुझाएका छन् । जिल्ला प्रहरी कार्यालय चितवनले पत्रकार सम्मेलन गरी सर्वसाधरणले बन्दुकसहितका हतियार बुझाएको जनाएको हो ।
संविधानसभाको निर्वाचनका बेला शान्ति सुरक्षालाई ध्यान दिँदै लाइसेन्स लिएर राखिएका बन्दुक बुझाउन प्रशासनले सर्वसाधारणलाई आग्रह गरेको हो । पत्रकार सम्मेलनमा असोज १९ गते अर्थात् दसँैको घटस्थापना यता कार्तिक १४ गतेसम्म भएका गतिविधि र पक्राउ परेका मानिसहरुका बारेमा पनि प्रहरीले जानकारी गराएको थियो । यो अवधिमा ७५ वटा दुर्घटना भएको र १४ जनाको मृत्यु र १८० जना घाइते भएको पनि सो अवसरमा जानकारी दिइयो ।
यस्तै यो अवधिमा अन्य २६ जनाको पनि विभिन्न कारणले मृत्यु भएको पनि प्रहरी नायव उपरीक्षक सञ्जय राउतले बताउनुभयो । यो अवधिमा विभिन्न १२ वटा घटनामा २४ जनालाई पक्राउ गरी सार्वजनिक मुद्दा चलाइएको, १० जना हतियारसहित पक्राउ परेकालाई हातहतियार तथा खरखजनाअनुसार कारवाही गरिएको र वैदेशिक रोजगारमा पठाइदिन्छु भनी ठगी गरेको अभियोगमा १० जनालाई पक्राउ गरी कानुनी कारवाही गरिएको पनि प्रहरीले जनाएको छ ।