नोटसँग भोट नसाँट्ने ः माडीका मतदाता

भरतपुर । माडीका वासिन्दाले नोटसँग भोट नसाँट्ने भएका छन् । चुनाव प्रसारप्रसारका क्रममा घरदैलोमा पुगेकी काँग्रेस उम्मेदवार सविता बराललाई माडीका सर्वसाधरणले नोटसँग भोट नसाँट्ने प्रतिवद्धतासहित काँग्रेसलाई चुनाव जिताउने जनाएका हुन् ।
‘माडीमा धेरै धनाढ्यहरु नोटसँग भोट साँट्न खोज्दै छन्’ माडी अयोध्यापुरीका भरत घिमिरेले भने, ‘पैसाले भोट किन्न खोजियो भने हामी प्रतिवाद गर्छौं ।’मतदातासँग घरदैलोपछि आयोजित कोणसभामा बोल्दै उम्मेदवार बरालले शान्ति, लोकतन्त्र र संविधानका लागि काँग्रेसका पक्षमा मतदान गर्नुपर्ने बताइन् ।
नेपाली काँग्रेस क्षेत्र नं ५ की उम्मेदवार सविता बराललाई बिजयी गराउन नेपाली काँग्रेस गाउँ समिति अयोध्यापुरीले चुनावको प्रचारप्रसारलाई तीव्रता दिँदै घरदैलो र कोणसभा आयोजना गरेको हो ।
विगतको संविधानसभा निर्वाचनमा पाँच नं क्षेत्रबाट विजयी भएका अमिक शेरचनले त्यस क्षेत्रमा कुनै उपलब्धिमूलक कार्य नगरेको भन्दै समितिले स्थानीय महिला उम्मेदवारलाई विजय बनाए माडीको विकास हुने दावीसमेत गरेको छ । माडीका समग्र जनताले महिला प्रतिनिधि चाहेको र बराल माडीकै स्थानीय वासिन्दा भएकाले उनलाई मतदान गर्ने माडीवासीले बताएका छन् ।
यसैबिच शुक्रनगर गाउँ समितिको आयोजनामा वृहत मोटरसाइकल ¥याली सम्पन्न भएको छ । ¥यालीमा सयाँैको संख्यामा कार्यकर्ता, शुभेच्छुक संघसंस्थाका प्रतिनिधिहरुको सहभागिता रहेको थियो । प्रभात उच्च माविबाट सुरु भएको ¥याली देवीथान, लेवरनगर, सिम्रनी, अमृतचोकहँुदै पुनः प्रभात उच्च माविमै आइ कोणसभामा परिणत भएको हो । गुञ्जानगर गाउँ समितिको आयोजनामा सम्पन्न चुनावी सभामा सयौँको संख्यामा काँग्रेसका नेता, कार्यकर्ता तथा सर्वसाधारण स्वःस्फूर्त रुपमा सहभागी भएका थिए ।
नेपाली काँग्रेसका केन्द्रीय सदस्य दीलबहादुर घर्तीले निर्दलीय पञ्चायती व्यवस्थादेखि अहिलेसम्म चितवनको भूमि लोकतन्त्रका लागि अनुकरणीय रहेको बताए । यो निर्वाचनमा नेपाली काँग्रेसका सभापति नै यस क्षेत्रमा आउनुले चितवनवासीको शान र मान दुवै बढेकोले सबैमा खुसीको सञ्चार भएको आफूले अनुभव गरेको उल्लेख गरे । नेपाली काँग्रेस क्षेत्र न ५ का उम्मेदवार सविता बराल, पूर्वजिल्ला सभापति रामकृष्ण घिमिरे, नेपाली काँग्रेस जिल्ला सचिव जीतनारायण श्रेष्ठलगायतले बोलेका थिए ।