धर्मचोकमा बम फेला : सुरक्षा सतर्कता बढाएका छौँ- प्रजिअ शर्मा

अन‌ि यो पनि

दिपेन्द्र अधिकारी
भरतपुर । भनपा ५ धर्मचोक लंकूमा बिहीबार बिहान बम फेला परेको छ । धर्मचोकमा रहेको चौतारीको आडैमा पहँेलो प्लाष्टिकको झोलामा भित्रबाट रातो कपडाले पोको पारिएको अवस्थामा बम फेला परेको हो । टेपले बेरेको अवस्थामा ४० सीमी लामो १४ सीमी गोलाकार भएको फलामे पाइपमा बम फिट गरिएको सेनाले जनाएको छ ।
चुनावको मिति नजिकिँदै जाँदा जिल्लामा अप्रिय घटना हुन थालेपछि जिल्ला प्रशासन चितवनले थप सुरक्षा सर्तकता अपनाएको जनाएको छ । प्रमुख जिल्ला अधिकारी नरेन्द्रराज शर्माले भने, ‘धर्मचोकको घटनापछि हामी झनै सर्तक बनेका छौं ।’ बम राख्ने व्यक्तिका बारेमा अनुसन्धान भइरहेको प्रजिअ शर्माले जानकारी दिए । सुरक्षाका अंगहरु प्रहरी, सशस्त्र प्रहरी र सेनाको काम कारबाही झनै मजबुद बनाइएको उहाँको भनाइ छ ।
सुरक्षाकर्मीका अनुसार फेलापरेको बमको बनावट र क्षतिको शक्ति निकै उच्च खाले रहेको थियो । खतरा लेखिएको पोकाभित्र पाइप बम रहेको चितवन प्रहरीले जनाएको छ । बमलाई नेपाली सेनाको भरतपुरमा रहेको शमसेर दल गणबाट गएको बम डिस्पोजल टोलीले बिहान ८ बजेर ३० मिनेटमा निष्क्रिय पारेको थियो । सेनाले बमलाई नजिकैको नहरमा लगेर पड्काएको थियो ।
एक घण्टाको प्रयासपछि बम निष्क्रिय पारिएको शमशेर दल गण भरतपुरका गणपति ज्योतिन्द्र महतले बताए । बम कसले र किन राख्यो भन्ने खुल्न नसको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सञ्जय राउतले जानकारी दिए । उनले घटनाबारे अनुसन्धान भइरहेको बताए । यसैबीच नेकपा–माओवादीले उक्त बम आफूहरुले नराखेको जनाएको छ । माओवादी चितवन क्षेत्र  एकका इञ्चार्ज विपिनले चुनाव बिथोल्न बम राख्ने आफूहरुको कुनै योजना नरहेको बताए ।

प्रतिकृया

मुख्य समाचार

प्रतिनिधिसभा विघटनविरुद्धको रिटमाथि बहस पुनः सुरु

काठमाडौँ । सर्वोच्च अदालतमा प्रतिनिधिसभा विघटनविरुद्ध शेरबहादुर देउवासहितका सांसदले दायर गरेको रिटमाथि पुनः आजदेखि बहस सुरु भएको छ । सर्वोच्च...

धेरै पढिएको

अन्य समाचार

प्रतिकृया