दलबलसहित उम्मेदवारी दर्ता

वीरगंज । आगामी मंसिर ४ गते सम्पन्न हुने दोस्रो संविधानसभाको निर्वाचनका लागि मध्यतराईका पर्सा, बारा, रौतहटलगायतका जिल्लाहरुमा एकीकृत माओवादी, नेपाली काँग्रेस, नेकपा एमाले, मधेसी जनअधिकार फोरम नेपाल, तराई मधेस लोकतान्त्रिक पार्टी, नेपाल सद्भावना पार्टी, फोरम लोकतान्त्रिक, फोरम गणतान्त्रिक, राष्ट्रिय प्रजातन्त्र पार्टी नेपाललगायतका ५० भन्दा बढी राजनैतिक दल तथा दर्जनौं स्वतन्त्र उम्मेदवारहरुले निर्वाचनका लागि उम्मेदवारी दर्ता गराएका छन् ।
मुलुकको प्रमुख आर्थिक केन्द्र वीरगंजको नेशनल टे«डिङ परिसरभित्र रहेको पर्साका ५ वटा निर्वाचन क्षेत्रको निर्वाचन कार्यालयहरुमा राजनैतिक दलहरुले दलबलका साथ उम्मेदवारी दर्ता गर्न जाँदा बिहान १० बजेदेखि अपरान्ह ५ बजेसम्म वीरगंजको ट्राफिक जाम भएको थियो ।