विद्युत् व्यवसायीसँग उवासंघको अन्तक्र्रिया

रत्ननगर । रत्ननगर उद्योग वाणिज्य संघले मंगलबार पूर्वीचितवनका विद्युत् व्यवसायी समितिका पदाधिकारीहरुसँग अन्तक्र्रिया गरेको छ । कार्यक्रममा व्यवसायमा देखिएका समस्या, चुनौती र समाधान, व्यवसायको प्रवद्र्धन, व्यवसायीको क्षमता अभिवृद्धिलगायतका विषयमा छलफल गरिएको थियो ।
कार्यक्रममा रत्ननगर उद्योग वाणिज्य संघका अध्यक्ष ज्ञानबहादुर बिसुरालले व्यावसायिक हित संरक्षण र व्यवसाय सम्बद्र्धनको लागि स्थापित समिति आफ्नो उद्देश्यअनुरुप अघि बढ्नुपर्ने बताए ।
कार्यक्रममा पूर्वीचितवन विद्युत् व्यवसायी समितिका अध्यक्ष लक्ष्मीप्रसाद शर्माले अधिकार स्थापित गर्न सबै विद्युत् व्यवसायी एकजुट हुनुपर्ने बताए । संघका अध्यक्ष बिसुरालको अध्यक्षतामा भएको कार्यक्रममा उपाध्यक्ष राजाराम रेग्मीले कार्यक्रमको उद्देश्यबारे बोलेका थिए ।