लघुवित्तसम्बन्धी प्रशिक्षण

भरतपुर । चित्रवन बचत तथा ऋण सहकारी संस्थाले सहकारीमा संलग्न आवद्धलार्ई दृष्टिगत गरी शनिबार ‘लघुवित्त प्रशिक्षण कार्यक्रम’ गरेको छ ।
प्रशिक्षणमा संस्थामा आवद्ध तथा विभिन्न महिला समूहका ७० जनाको सहभागिता रहेको थियो । कार्यक्रममा संस्थाका अध्यक्ष राजेन्द्रमणि काफ्ले, पूर्वअध्यक्ष सोमराज खनियाँ, संस्थाका लघुवित्त उपसमिति सदस्य कल्पना थापा र पूर्वअध्यक्ष भक्तबहादुर बस्नेतलगायतले मन्तव्य राखेका थिए । लघुवित्त उपसमिति संयोजक शान्ताप्रभा खनालको अध्यक्षतामा भएको कार्यक्रममा धनप्रसाद श्रेष्ठले प्रशिक्षण दिएका थिए ।