घुस लिँदालिँदै पक्राउ

नवलपरासी । नवलपरासीको गुठीसूर्यपुरामा रहेको नेपाल विद्युत प्राधिकरण शाखाका कर्मचारी सुदामा गुप्तालाई स्थानीयले घुस लिँदालिँदै पक्राउ गरेका छन् ।
स्थानीय बासिन्दाका अनुसार कर्मचारी गुप्तालाई चार हजार रूपैयाँ घुस लिँदै गरेको अवस्थामा स्थानीय बासिन्दाहरुले रङ्गे हात पक्राउ गरेका हुन् ।
प्राविधिक मिटर रिडिङ् गर्ने गुप्ताले गुठीप्रसौनी–७ बस्ने कादिर खाँको घरको मिटर रिडिङ् गर्दा मिटरमा गडबढी छ भन्दै घुस मागेका थिए । तपाँइलाई ३०÷३५ हजार जरिवाना लाग्ने भन्दै १० हजार घुस मागेर खाँबाट चार हजार रूपैयाँ लिँदै गरेको अवस्था स्थानीयले उनलाई पक्राउ गरेका हुन् ।
पक्राउ परेकालाई स्थानीयले कारवाहीको लागि इलाका प्रहरी कार्यालय बेलटारीबाट जिल्ला प्रशासन कार्यालय कार्यालय नवलपरासी पठाइएको छ ।