भरतपुर । आकस्मिक कक्षलाई अत्याधुनिक वनाउने उद्देश्यले भरतपुर अस्पतालको आकस्मिक कक्षमा मुटुको धड्कनलाई सही अवस्थामा ल्याउने उपकरण डिफ्रिबिलेटर मेशिन जडान गरिएको छ ।
मुटुको चाल नियन्त्रण तथा तत्कालै मुटुको धड्कनलाई ठिक अवस्थामा ल्याउने मेशिन बिहीबार अस्पतालका मेडिलक सुपरिटेण्डेन्ट डा. विजयप्रसाद पौडेलले आकस्मिक कक्षका इन्चार्ज विष्णु सापकोटालाई हस्तान्तरण गरेका हुन् । सो अवसरमा मेसु डा. पौडेलले सवै बिरामी र उनीहरुका आफन्तको ध्यान आकस्मिक कक्षमा जाने भएकोले साढे लाख पर्ने अत्याधुनिक र सुविधा सम्पन्न बनाउन लाग्ने प्रतिबद्धता जनाए ।
उनले आकस्मिक कक्षका सबै वेड साइटमा मोनिटरको व्यवस्था गर्ने र जनताको विश्वास वढाउने बताए । यसअघि नै करिव आठ लाखको लागतमा आकस्मिक कक्षको अवस्था सुधार गरिएको थियो । सो समयमा आकस्मिक कक्षका हरेक वेड साइटमा अक्सिजन पाइपलाइन जडान गरी सकिएको छ ।
Discussion about this post