भरतपुर । चैत्र ५, ६ र ७ गते चितवनमा कानुन व्यवसायीहरुको राष्ट्रिय सम्मेलन हुने भएको छ । सम्मेलनमा देशभरबाट झण्डै ३ हजार अधिवक्ताहरु चितवन आउने भएका छन् । राष्ट्रिय सम्मेलनको उद्घाटन राष्ट्रपति डा. रामबरण यादवले गर्ने कार्यक्रम तय भएको नेपाल बार एशोसियसनका केन्द्रीय उपाध्यक्ष अधिवक्ता टीकाराम भट्टराईले बताए ।
रत्ननगरस्थित होटल स्टार व्यङक्विकटमा हुने सम्मेलनको उद्घाटन कार्यक्रममा राष्ट्रपतिसँगै प्रधानमन्त्री सुशिल कोइराला, सभामुख सुवास नेम्वाङ, प्रधानन्याधीश रामप्रसाद शाह र अन्य विदेशी विशिष्ट व्यक्तिहरुको सहभागिता रहने आयोजकले जनाएको छ ।
सम्मेलनमा विभिन्न पाँचवटा कार्यपत्रमाथि छलफल हुने उपाध्यक्ष भट्टराइले जानकारी दिए । संविधान जारी गर्न दबाव दिने उद्देश्यले चितवन घोषणा पत्र जारी गरी सम्मेलन कानुनमन्त्री नरहरि आचार्यबाट समापन हुने भएको छ ।
Discussion about this post