आठ किलो चरेस नष्ट

धादिङ । अवैध लुकाइछिपाइ बिक्री गर्न लैजान लागेको अवस्थामा प्रहरीले नियन्त्रणमा लिएको लागूपदार्थ चरेस नष्ट गरेको छ । जिल्ला प्रहरी कार्यालय परिसरमा ८ किलो १०० ग्राम चरेश प्रहरीले सार्वजनिक रुपमा नष्ट गरेको हो ।
साउन १७ गते बिहान ९ बजेतिर त्रिभुवन राजपथमा पर्ने धादिङको थाक्रे गाविस वडा नम्बर ७ हाप्सेचौरमा सवारी जाँच गर्नेक्रममा प्रहरी टोलीले उक्त चरेश नियन्त्रणमा लिएको जिल्ला प्रहरी कार्यालय धादिङका प्रहरी निरीक्षक बासुदेव थापाले जानकारी दिए ।
राजमार्गमा सवारीसाधनहरु चेकजाँच गर्नेक्रममा मकवानपुरको पालुङबाट काठमाडांैका लागि छुटेको बा३ख २८३१ नम्बरको बसमा सवार अन्दाजी ३३ वर्षीय युवकले बोकेको रातो रंगको झोला सडकमै छाडेर जंगलतर्फ भागेपछि शंका लागेर खोजतलास गर्दा चरेस भेटिएको प्रहरीले जनाएको छ ।