५६ जनाद्वारा रक्तदान

नारायणगढ । रोटरी क्लब अफ नारायणगढ तथा रोट्¥याक क्लब अफ नारायणगढको संयुक्त आयोजनामा शनिबार खुल्ला रक्तदान कार्यक्रम सम्पन्न भएको छ ।
नारायणगढको सहिदचोकमा सञ्चालन भएको कार्यक्रममा क्लब्का संस्थापक अध्यक्ष निरन्जन प्रधानको प्रमुख आतिथ्य रहेको थियो । कार्यक्रममा पाँचजना महिलासहित ५६ जनाले रक्तदान गरेका थिए ।  भरतपुर रक्तसञ्चार केन्द्रको प्राविधिक सहयोग रहेको थियो ।
रक्तदाताहरुलाई कार्यक्रम स्थलमै प्रमाण–पत्र प्रदान गरिएको थियो । आरआई डिष्ट्रिक ३२९२ जोन ११ की एजी शारदा भट्टराईको उपस्थिति रहेको कार्यक्रम क्लबका स्वास्थ्य संयोजक भोलानाथ लामिछानेको संयोजकत्वमा सम्पन्न भएको थियो ।