माडी । माडीको कल्याणपुर–६ हरिनगरमा निकुञ्जबाट निस्केको गैंडाले करिब एक बिघा धान खाएर सखाप पारेको छ । स्थानीय विष्णुप्रसाद रिमाल, अणनाथ रिमाल, लोकनाथ रिमाल र केशव दाहालकोे धानबाली गैंडाले सखाप पारेको हो । भर्खरै धान रोपेर खेताला तथा रोपेको ज्याला तिर्न नसक्दा नै जनावरले बालीनाली नै सखाप बनाएपछि पीडित कृषकहरु चिन्तित बनेका छन् पीडित किसानहरुले उचित क्षतिपूर्तिको व्यवस्था गर्न माग गरेका छन् । साथै पीडित कृषकहरुले सर्वप्रथम बालीनाली जोगिने गरी ड्याम निर्माण गरिनुपर्ने, तत्काल ४ वटा मचान निर्माण हुनुपर्ने, सोलार फ्रेन्स निर्माणलगायतका कामहरु यथाशीघ्र सम्पन्न गर्न माग गरेको छन् ।
आफूहरुको मागलाई सम्वोधन नगरिए कल्याणपुर मध्यवर्ती उपभोक्ता समितिको कार्यालयमा तालाबन्दीसहित कडा संघर्षमा उत्रने पीडित विष्णु रिमालले बताए । हरिनगर क्षेत्रमा ५० जति घरधुरी जंगली जनावर प्रभावित भए पनि अन्य क्षेत्रका बासिन्दाले क्षतिपूर्ति पाए पनि आफूहरुले नपाएको उनीहरुको दुखेसो छ । कल्याणपुर मध्यवर्ती उपभोक्ता समिति तथा गाविसको सहयोगमा १ लाख ८० हजारको लागतमा बाँध निर्माण भए पनि त्यो पूर्ण नभएका कारण जनावर सहजै बालीनालीमा प्रवेश गरेका छन् ।
Discussion about this post