सामुदायिकसरह सेवा सुविधाको माग

भरतपुर । राज्यले निजी शिक्षा क्षेत्रलाई प्रोत्साहान गर्नुपर्नेमा चितवनका निजी विद्यालयका अगुवाहरुले जोड दिएका छन् ।
भरतपुर इङ्लिश स्कुल सोसाइटी (बेस) को बाह्रौँ अधिवेशनको उद्घाटन सत्रमा बोल्दै निजी विद्यालयका सञ्चालकहरुले राज्यले सामुदायिक विद्यालयमा गरेको लगानीको अनुपातमा संस्थागत विद्यालयलाई सेवा सुविधा उपलब्ध गराउनुपर्ने बताएका छन् ।
प्यावसन चितवनका अध्यक्ष बेलबहादुर गुरुङले निजी विद्यालयले हासिल गरेको शैक्षिक प्रगतिका आधारमा पनि राज्यले उपेक्षा गर्न नहुने बताउनुभयो । विद्यार्थीको मूल्याङ्कन गर्ने उपयुक्त माध्यम भएकाले परीक्षा प्रणाली बढी सिर्जनशीलता हुनुपर्नेमा सहभागीले जोड दिएका थिए ।
सहभागीले जिल्ला शिक्षा कार्यलयले दिने शैक्षिक तालिममा निजी विद्यालयका शिक्षकहरु पनि समावेश गर्नुपर्ने आवाज उठाएका छन् । अधिवेशनले पुरानै कार्यसमितिलाई दुई वर्षका लागि निरन्तरता दिएको छ ।
मोहन लामाको अध्यक्षतामा रहेको पुरानो समितिमा थप एक नयाँ सदस्यका रुपमा कम्प्युटर विषय संयोजन गर्न रमाकान्त शर्मा पौडेल समावेश गरी १० सदस्यीय नयाँ कार्यसमिति बनाइएको छ ।