धर्म परिवर्तनविरुद्ध ¥याली

रत्ननगर । हिन्दू धर्मको संरक्षण तथा धर्म परिवर्तनको विरुद्ध पूर्वी चितवनको रत्ननगरमा सोमबार विरोध ¥याली निकालिएको छ । हिन्दू जागरण नेपालको नेतृत्वमा रत्ननगरको निपनीस्थित हरिहर मन्दिरबाट निकालिएको भजनकीर्तनसहितको ¥यालीले टाँडीबजार परिक्रमा गरेको थियो ।
¥यालीपछि सौराहाचोकमा आयोजित कोणसभामा बोल्नेहरुले धर्म परिवर्तनले समाजमा विकृति भित्रिएको भन्दै सजग रहन आग्रह गरेका थिए । कोण सभामा हिन्दू जागरण नेपालका संयोजक पण्डित रामकृष्ण उपाध्यायले नेपालमा बढ्दो धर्म परिवर्तनको चलखेलका कारण द्वन्द्वको अवस्था सिर्जना हुने भन्दै सचेत रहन आग्रह गर्नुभयो ।
उहाँले कुनै पनि व्यक्तिले खुसीले धर्म परिवर्तन गर्दा आपत्ति नहुने । तर विभिन्न लोभ लालचमा पार्दै परिवर्तनको नारा लिनु खेदपूर्ण रहेको बताउनुभयो । धर्म परिवर्तनले एउटै परिवारका सदस्यलाई पनि छुट्याउने भन्दै उपाध्यायले बेलैमा सजग रहनुपर्ने सुझाव दिनुभयो ।
धर्म परिवर्तनकारीको कुनै इतिहास नरहेको उल्लेख गर्दै उहाँले धर्म परिवर्तनले नेपालको मौलिकता नष्ट हुने दावी गर्नुभयो । धर्म परिवर्तनले विदेशी संस्कृतिको प्रभाव बढ्दै गएको भन्दै उपाध्यायले त्यसले सामाजिक सद्भाव बिथोलिएको बताउनुभयो ।