भरतपुर । भनपा ७ प्रेमबस्तीस्थित मध्यविन्दु टोल विकास संस्थाका अध्यक्ष दलबहादुर सिंहले सार्वजनिक बाटो मिचेर स्थायी संरचना बनाएको गुनासो आएको छ ।
टोलका अध्यक्षले नै सार्वजनिक बाटो मिचेर भान्साघर र कुखुरा खोर बनाएको भन्दै छिमेकीहरुले आपत्ति जनाएका छन् । सार्वजनिक बाटो प्रयोग गर्न गाह्रो हुनाका साथै टोलमा विद्युतीकरणमा समेत समस्या देखिएको उनीहरुको गुनासो छ ।
टोलका अगुवा नै नियम मिचेर अघि बढेपछि स्थानीयले टोल, वडा र नगरपालिकामा उजुरीसमेत गरेका थिए । नगरपालिकाले एक वर्षअघि सिंहले बनाएको स्थायी संरचना हटाउन आदेश दिए पनि उनले बेवास्ता गर्दै आएका छन् । नगरपालिकाले आफ्नै आदेश टोलका अध्यक्षले उल्लंघन गरे पनि केही नगरेको स्थानीयको गुनासो रहेको छ ।
Discussion about this post