चितवन २१ चैत । नेपाल पत्रकार महासंघको निर्वाचनका लागि चितवन जिल्ला शाखाको नयाँ नेतृत्वको लागि लोकतान्त्रिक, प्रगतिशील, समावेशी र श्रमजीवी पत्रकारहरुको साझा प्यानलबाट शनिबार उम्मेदवारी घोषणा गरिएको छ। नारायणप्रसाद अधिकारीको नेतृत्वमा साझा उम्मेदवारी घोषणा गरिएको हो। पत्रकार अधिकारी राष्ट्रिय समाचार समिति चितवनका प्रमुख, नेपाल पत्रकार महासंघ चितवन शाखाका उपाध्यक्ष तथा नेपाल प्रेस युनियन चितवनका निवर्तमान अध्यक्ष हुन्।
उपाध्यक्षमा प्रकाशमणि ज्ञवाली, उपाध्यक्ष महिलामा प्रमिता ढकाल, सचिवमा अनिल ढकाल र कोषाध्यक्षमा राजेन्द्र आचार्यले उम्मेदवारी घोषणा गरेका छन् भने सह–सचिवमा टिकादत्त तिमिल्सिना र सह–सचिव समावेशीमा उर्गेन तामाङ रहेका छन्। कार्यसमिति सदस्यमा भने महिलाबाट शोभा पुडासैनी, दलितबाट एलिना पोख्रेल (प्रीति) आदिवासी जनजातिबाट तुलमान गुरूङ र मधेसीबाट सरिता चौधरी शाह (अपेक्षा) रहेका छन्। यस्तै खुला सदस्यतर्फ विप्लव काफ्ले, सरिता पौडेल, अनिल भट्टराई, विवेक पोख्रेल, बबिलाल तामाङ, रामु आचार्य, ज्ञानेन्द्र तामाङ र वसन्त ढुङ्गानाले उम्मेदवारी घोषणा गरेका छन्।
अध्यक्षका प्रत्यासी नारायणप्रसाद अधिकारीले यो निर्वाचनमा नेपाल पत्रकार महासंघको कार्यभार सम्हाल्ने जिम्मा आफूहरुको काँधमा आएको बताए। श्रमजीवी पत्रकारहरुको हकहितको क्षेत्रमा विगत लामो समयदेखि काम गर्दै आएको बताउँदै श्रमजीवी पत्रकारहरुको हकहितका लागि जस्तोसुकै चुनौतीको पनि सामना गर्न तयार रहेको उनको भनाइ छ। चैत २५ गते नेपाल पत्रकार महासंघको जिल्ला, प्रदेश र केन्द्र तीनवटै तहमा एकैसाथ निर्वाचन हुँदैछ।
Discussion about this post