बघौडा । चोरी सिकार नियन्त्रण युवा जागरण अभियान बघौडा उपसमिति माडी चितवनको आयोजना तथा तराई भू–परिधि सौराहाको सहयोगमा सोमबार विषादी नियन्त्रणसम्बन्धी अन्तत्र्रिmया कार्यक्रम सम्पन्न भएको छ । विषादीको प्रयोगबाट स्वास्थ्य, वातावरण, अन्य जीवजन्तु तथा जैविक र पारिस्थितिक प्रणालीमा पर्न गएको असरको बारेमा छलफल भएको थियो ।
पछिल्लो समयमा तरकारी, अन्नबाली, माछा पोखरी, खेतबारी, खोलानालामा बढी विषादी प्रयोग भएको हँुदा यसले मानवस्वास्थ्यमा नकारात्मक असर गरी यसको कारणले तरकारी र खाद्यान्नबाट मानवस्वास्थ्यमा १३ प्रतिशत रोग लागेको कृषिसेवा केन्द्र माडी चितवनका प्राविधिक सहायक गोविन्द मल्लले बताउनुभयो ।
विषादी प्रयोगमा कम गरी विषादीरहित खाद्यान तथा तरकारी उत्पादन गरी जैविक मलको प्रयोग गर्न विज्ञहरुले सुझाव दिएका छन् । कार्यक्रममा तरकारी तथा अन्न उत्पादन गर्ने कृषकहरु माछा मार्ने बोटे समुदायका व्यक्तिहरुलाई प्रशिक्षण दिइएको थियो ।
४३ जना सहभागी रहेको कार्यक्रम बघौडा मध्यवर्ती उपभोक्ता उपसमितिका अध्यक्ष प्रभुप्रसाद महतो प्रमुख अतिथि रहनुभएको थियो । आयोजक संस्थाका अध्यक्ष दिनेश्वर महतोको अध्यक्षतामा भएको थियो ।
Discussion about this post