चितवनमा ३५ सक्रिय सङ्क्रमित

भरतपुुर । चितवनमा कोरोना भाइरस सङ्क्रमितको संख्या ३५ छ । मंगलबारको तथ्याङ्क हेर्दा ७ जना अस्पतालको आइसोलेसनमा र बाँकी २८ जना होम आइसोलेसनमा छन् । सक्रिय सङ्क्रमितमध्येमा पनि ३० जना भरतपुर महानगरपालिकाभित्रका छन् ।

खैरहनीका दुुई जना तथा माडी, रत्ननगर र कालिका नगरपालिकामा एक/एक जना सक्रिय सङ्क्रमित रहेको स्वास्थ्य कार्यालय चितवनले जनाएको छ ।

आइसोलेसनमा रहेका सङ्क्रमितमध्ये भरतपुर महानगरपालिकाभित्रका सात जनामात्रै अस्पतालको आइसोलेसनमा छन् । बाँकी सबै होम आइसोलेसनमा रहेका स्वास्थ्य कार्यालय चितवनकी जनस्वास्थ्य अधिकृत गीताञ्जली ढकालले जानकारी दिइन् ।

राप्ती र इच्छाकामनामा विगत केही दिनदेखि नयाँ सङ्क्रमित नथपिएपछि सक्रिय सङ्क्रमितको संख्या पनि शून्य भएको छ । जिल्लामा ४६ हजार ३३१ वटा नमुना परीक्षण हुँदा कुल सङ्क्रमितको संख्या भने ६ हजार ९१६ पुुगेको छ । तीमध्ये दुुई हजार ८१९ महिला र चार हजार ९४ जना पुरूष छन् । कुल सङ्क्रमितमध्ये ११० जनाले ज्यान गुमाए भने बाँकी ६ हजार ७७१ जना सङ्क्रमणमुक्त भइसकेका छन् ।

कुन स्थानीय तहमा कति सङ्क्रमित ?

२०७७ सालको वैशाख ५ गते पहिलोपटक कोरोना भाइरसको सङ्क्रमण देखिएको चितवनमा सबैभन्दा बढी भरतपुर महानगर प्रभावित बन्यो । हालसम्मको तथ्याङ्क हेर्दा भरतपुरमा मात्रै सङ्क्रमितको संख्या पाँच हजार चार जना पुुगेका छन् । माडीमा १४७, राप्तीमा ३२२, रत्ननगरमा ७८८, खैरहनीमा ४१९, कालिकामा १९६ र इच्छाकामना गाउँपालिकामा ४० जना छन् ।

सङ्क्रमणमुुक्त हुनेमा भरतपुरका चार हजार ९०५, खैरहनीका ४०८, माडीका १४५, रत्ननगरका ७७४, राप्तीका ३१३, कालिकाका १८७ र इच्छाकामनाका ३९ जना छन् । मृत्युु हुुनेमा भने भरतपुरका ६९, खैरहनी र राप्तीका ९÷९, रत्ननगरका १३, कालिकाका ८ र इच्छाकामना गाउँपालिका र माडी नगरपालिकाका एक÷एक जना छन् ।