बीपी जन्मजयन्तीमा वक्तृत्वकला

रत्ननगर । नेपाली काँग्रेस नगर समिति रत्ननगरको आयोजनामा आइतबार बीपी चिन्तन र वर्तमान सान्दर्भिकता विषयक अन्तरमाध्यमिक विद्यालयस्तरीय वक्तृत्वकला प्रतियोगिता सम्पन्न भएको छ ।
बीपी कोइरालाको एक सयांै जन्मजयन्तीको अवसरमा आयोजना गरिएको प्रतियोगितामा युनिक एकेडेमीका विराज खनाल प्रथम भएका छन् भने स्काइराइडर आवासीय माविका उत्सव घिमिरे द्वितीय, बैरिया माविकी प्रतिमा पौडेल तृतीय र एकता शिशु निकेतनका बासुदेव विकले सान्त्वना स्थान हासिल गरेका छन् ।
प्रतिष्ठान चितवनका अध्यक्ष देवेन्द्र सुवेदीको प्रमुख आतिथ्यतामा भएको प्रतियोगिताको उद्घाटनमा पूर्व सांसद एकनाथ रानाभाट, क्षेत्रीय सभापति कुमार कार्की, नेपाल प्रजातान्त्रिक सेनानी संघका केन्द्रीय सदस्य त्रिलोचन निर्मल पौडेल, काँग्रेस जिल्ला सदस्य नेमराज पौडेललगायतले शुभकामना मन्तव्य राखेका थिए ।
प्रतियोगिता नगर सभापति रुपनराज घिमिरेको अध्यक्षतमा सम्पन्न भएको थियो ।