रत्ननगर । नेपाली काँग्रेस रत्ननगर नगर समितिले बीपी कोइरालाको प्रथम जन्मशताब्दी कार्यक्रम सप्ताहव्यापी रुपमा मनाउने भएको छ । नगर समितिले बिहीबार रत्ननगरमा पत्रकार सम्मेलनको आयोजना गरी कार्यक्रमको सूची सार्वजनिक गरेको छ ।
सो अवसरमा आयोजना हुने अधिकांश कार्यक्रमहरु सामाजिक विकासमा टेवा पुग्ने खालका रहेको नगर समितिका सभापति रुपनराज घिमिरेले जानकारी दिनुभयो । कार्यक्रमअन्तर्गत साउन २ गते श्रीकृष्ण प्रणामी मन्दिर जिरौनाका जेष्ठ नागरिकलाई फलपूmल वितरण, ३ गते सौराहाचोकमा रक्तदान कार्यक्रम, ४ गते अन्तरविद्यालयस्तरीय वक्तृत्वकला प्रतियोगिता, ५ गते अन्तरकलेजस्तरीय निबन्ध प्रतियोगिता र ६ गते बीपी चिन्तन र वर्तमान सान्दर्भिकता विषयक विचार गोष्ठी गर्ने जनाएको छ ।
कार्यक्रममा नेपाली काँग्रेसका महासमिति सदस्य तथा पूर्व साँसद एकनाथ रानाभाट, क्षेत्रीय सभापति कुमार कार्कीलगायतले बोल्नुभएको थियो । कार्यक्रम नेपाली काँग्रेसका नगर सभापति रुपनराज घिमिरेको अध्यक्षतामा सम्पन्न भएको थियो ।
Discussion about this post