रत्ननगर । रत्ननगरको सगरमाथा मोबाइल हाउसबाट ९ हजारको मोबाइल खरिद गरेकी एक जना महिलाले चिठ्ठा उपहार योजनाअन्तर्गत १५ हजारको स्मार्ट फोन हात पारेकी छन् ।
एक महिनाअघि मोबाइल खरिद गरेकी रत्ननगर–६ दोरङ्गीकी लक्ष्मी रिजालले इन्फिनिक्स स्मार्ट फोन जितेकी हुन् । मोबाइल हाउसमा आयोजित कार्यक्रममा पूर्वी चितवन पत्रकार संघका अध्यक्ष होमनाथ सापकोटाले रिजाललाई मोबाइल हस्तान्तरण गरेका हुन् ।
सो अवसरमा हाउसका सञ्चालक शंकर पौडेलले मोबाइल प्रयोगकर्ताहरुलाई उत्साहित बनाउन मासिकरुपमा चिठ्ठा उपहार योजना सञ्चालन गर्दै आएको बताए । सगरमाथा मोबाइलले चिठ्ठा उपहार योजना अन्तर्गत टेलिभिजन र स्मार्ट मोबाइलहरु ग्राहकलाई प्रदान गर्दै आएको छ ।
Discussion about this post