सामुदायिकतर्फका सर्वोत्कृष्ट छात्रछात्रालाई सम्मान

रत्ननगर । लायन्स क्लब अफ चितवन राइनोसिटीले २०७० सालको प्रवेशिका परीक्षामा चितवन जिल्लामा रहेका सामुदायिक विद्यालयहरुमध्येबाट सर्वोत्कृष्ट हुन सफल छात्रछात्रालाई मंगलबार रत्ननगरमा सम्मान गरेको छ ।
वीरेन्द्र आदर्श उच्च माविका छात्र जनक गौतमले ७२० अंक अर्थात् ९० प्रतिशत ल्याई जिल्ला सर्वप्रथम र लक्ष्मी उच्च माविकी छात्रा शिक्षा पाण्डेले ७११ अंक अर्थात् ८८.८७ प्रतिशत अंक ल्याई छात्रातर्फ जिल्ला सर्वप्रथम हुन सफल भएकोमा उनीहरुलाई सम्मान गरिएको हो ।
सम्मान कार्यक्रममा उनीहरुलाई प्रशंसा पत्रसहित नगद पुरस्कार प्रदान गरिएको थियो । जिल्ला शिक्षा अधिकारी दामोदर आचार्य प्रमुखअतिथि रहनुभएको कार्यक्रममा कार्यक्रम संयोजक शिबु क्षेत्री, इकोब्सका अध्यक्ष डिल्लीराम पोखरेल, प्याब्सन चितवनका अध्यक्ष बेलबहादुर गुरूङ, नेपाल उच्च माविका प्राचार्य गोपाल शर्मा आचार्य, वीरेन्द्र आदर्श उच्च माविका प्रधानाध्यापक केशवमणि सिग्देल, लक्ष्मी उच्च माविका प्रधानाध्यापक नारायण चालिसे, उद्योग वाणिज्य संघ रत्ननगरका महासचिव देवेन्द्रकुमार श्रेष्ठ, लायन रामकुमार तिवारीलगायतले बोलेका थिए । लायन्स क्लब अफ चितवनका अध्यक्ष राजाराम रेग्मीको अध्यक्षतामा कार्यक्रम सम्पन्न भएको थियो ।