साहित्यकारको फोन डायरी विमोचन

कावासोती । नवलपुरका साहित्यकारहरुको फोन डायरी शनिबार विमोचन गरिएको छ । अमिट स्मृति साहित्य समाज नवलपुरले प्रकाशन गरेको फोन डायरी देवचुली–१३ का वडाध्यक्ष क्याटेन डिलबहादुर खत्रीलगायत साहित्यकारहरुले विमोचन गरेका हुन् ।

देवचुली साहित्य समाज नवलपुरको आयोजनामा भएको रचना वाचन कार्यक्रममा साहित्यकारहरुको फोन डायरी विमोचन गरिएको हो ।

कवि लोकनाथ खरेल र सरोज उजाडद्वारा नवलपुर साहित्य फोन डायरी तयार पारिएको थियो । रचना वाचन कार्यक्रममा कवि दीपक सोती, कृष्णादेवी शर्मा, लोकनाथ खरेल, राधा पाण्डे, डा. धनपति कोइरालालगायत करिब तीन दर्जन स्रष्टाहरुले रचना वाचन गरेका थिए ।