माडी । नेपाल कम्युनिस्ट पार्टी (नेकपा) चितवनको ओली पक्षीय अध्यक्ष पार्वती रावलले माडीको विकासमा कुनै कमी हुन नदिने बताएकी छन् । उनले माडीको विकासका लागि संघीय सरकार र प्रदेश सरकारबाट थुप्रै काम भइरहेको बताइन् ।
स्वयं प्रधानमन्त्री केपी ओलीले नै माडीलाई मणि बनाउने उद्घोष गरेको बताउँदै पार्टी अध्यक्ष रावलले माडीको समुन्नत विकासको लागि पार्टी र सरकार जनताको साथमारहेको बताइन् ।
नेपाल कम्युनिस्ट पार्टी (नेकपा) माडी नगर कमिटीद्वारा शनिबार माडीको वसन्तपुरमा आयोजित अगुवा कार्यकर्ता भेलालाई सम्बोधन गर्दै रावलले सरकारले गरेका ठूलाठूला योजना र विकासका कामलाई माडीका केही पक्षले असहयोग गरेको र काम असफल बनाउन लागिपरेको आरोप लगाइन् ।
माडी नगर कमिटीका अध्यक्ष रेशमलाल आचार्यको अध्यक्षतामा भएको कार्यक्रम सचिव नारायण अधिकारीले सञ्चालन गरेका थिए । सो अवसरमा नेकपा केन्द्रीय सदस्य हरि सापकोटा, पुरूषोत्तम न्यौपाने, जिल्ला सचिव प्रकाश खनाल, अनेमसंघ चितवन अध्यक्ष सरस्वती विष्टलगायतले मन्तव्य व्यक्त गरेका थिए ।
Discussion about this post