चितवन । भरतपुरमा जारी दोस्रो संस्करणको अन्तर्राष्ट्रिय आमन्त्रण चितवन भेटेरान कप फुटबलको सेमीफाइनल समीकरण पूरा भएको छ । यससँगै प्रतियोगिताको सेमीफाइनल पुग्ने चारै टोलीको टुङ्गो लागेको छ ।
बिहीबार सम्पन्न खेलमा जीत हात पार्दै कालभैरव भेटेरान हेटौँडा, कैलाली भेटेरान, बुटवल उपमहानगरपालिका भेटेरान र चावहिल भेटेरान काठमाडौँ सेमीफाइनलमा प्रवेश गरेका छन् ।
प्रतियोगिताअन्तर्गत बिहीबारको पहिलो क्वाटरफाइनल खेलमा काल भैरहवा हेटौँडाले चितवन भेटेरान निलोलाई २–१ ले पराजित ग¥यो । खेलमा अग्रता भने चितवन निलोले लिएको थियो । खेलको सातौँ मिनेटमा रमेश थापाले गोल गर्दै चितवनलाई अग्रता दिलाए । ११ औँ मिनेटमा हेटौँडा खेलमा फर्कियो । १९ औँ मिनेटमा सुन्दर गोल गर्दै हेटौँडाले २–१ को अग्रता लियो । बाँकी समयमा थप गोल हुन सकेन र हेटौँडा विजयी भयो ।
फाइनल प्रवेशका लागि हेटौँडाले शुक्रबार चावहिल काठमाडौँको सामना गर्नेछ । चावहिलले बिहीबारको अन्तिम खेलमा देहरादुन भेटेरान भारतलाई २–१ ले पराजित गर्दै सेमीफाइनलमा स्थान बनाएको हो । खेलमा अग्रता भने देहरादुनले लिएको थियो । १५ औँ मिनेटमा प्राप्त फ्रि किकलाई गोलमा परिणत गराउँदै देहरादुनले अग्रता बनाएको थियो । २१ औँ मिनेटमा निमा लामाले गोल गर्दै चावहिललाई खेलमा फर्काए । त्यसको दुई मिनेटलगत्तै दोस्रो गोल गर्दै चावहिलले २–१ को जीत सुनिश्चित गरेको हो ।
बिहीबारको दोस्रो खेलमा चितवन भेटेरान रातोलाई पराजीत गर्दै कैलाली भेटेरानले सेमीफाइनलमा स्थान बनाएको छ । निकै प्रतिस्पर्धात्मक खेलमा कैलालीले चितवन रातोलाई सडन डेथमा पराजित गरेको हो । निर्धारित समय गोलरहित बराबरी तथा टाइब्रेकरमा पनि ४–४ को बराबरी भएपछि खेलको निर्णय सडन डेथबाट लिइएको हो ।
फाइनल प्रवेशका लागि कैलालीले बुटवलको सामना गर्नेछ । बुटवलले बिहीबार सम्पन्न खेलमा मनाङ मस्र्याङ्दी क्लब (एमएमसी)आई एक्स भेटेरानलाई पराजित गर्दै सेमीफाइनल प्रवेश गरेको हो । बुटवलले क्वाटरफाइनलमा मनाङलाई टाइब्रेकरमा ५–४ ले पराजित ग¥यो । त्यसअघि निर्धारित समयको खेल १–१ गोलको बराबरीमा सकिएको थियो । २७ औँ मिनेटमा बुटवलले खेलमा अग्रता लिएको थियो । ४७ औँ मिनेटमा मनाङले बराबरी गोल फर्कायो ।
प्रतियोगिताअन्तर्गत शुक्रबार फाइनल प्रवेशका लागि खेलहरु हुनेछन् । पहिलो खेलमा दिउँसो २ बजे बुटवल र कैलाली तथा दोस्रो खेलमा दिउँसो ३ः३० बजे कालभैरव हेटौँडा र चावहिल काठमाडौं भिड्नेछन् । फाइनल खेल शनिबार हुनेछ ।
चितवन भेटेरान क्लबले आयोजनामा जारी प्रतियोगिताको विजेताले १ लाख ५१ हजार तथा उपविजेताले ७५ हजार नगदसहित शिल्ड मेडल र प्रमाणपत्र प्राप्त गर्नेछ ।
Discussion about this post