चितवन ८ फागुन । गाेरखाकाे अजिरकोट गाउँपालिका वडा नं.४ सिम्जुङ, बाँझेगाउँकी संगीता गुरुङको उपचारमा सहयाेग गरिदिन परिवारले आग्रह गरेकाे छ। रक्त क्यान्सरकाे समस्याका कारण हाल भरतपुरकाे बीपी काेइराला मेमाेरियल क्यान्सर अस्पतालमा उपचाररत गुरुङकाे घरकाे आर्थिक अवस्था कमजाेर भएकाेले सार्वजनिकरुपमा सहयाेग गरिदिन अपिल गरेकाे हाे। केही महिनायता बिरामी भई उपचार गराउँदै आए पनि अबकाे उपचार खर्च जुटाउन नसक्दा थप समस्या भएको संगीताका ससुरा सन्तबहादुर गुरुङले बताए।
बिरामीको उपचार गर्च जुटाउन श्री भूमे जनकल्याण समाजले पनि अभियान थालेको छ। ‘संगीता गुरुङ उपचार सहयोग अभियान’मा सहभागी भई मानवीय कार्यमा लाग्न समाजका अध्यक्ष धनबहादुर गुरुङले बताए। संगीताकाे काखमा करिब दुई वर्षकी छाेरी पनि छिन्। श्रीमान् वैदेशिक राेजगारमा खाडी गएका छन्। तर खाडीको कमाइले उपचार सम्भव नभएपछि सार्वजनिकरुपमै सहयोगकाे अपिल गरिएकाे समाजका अध्यक्ष गुरुङले बताए।
सहयोग गर्न चाहने मनकारी व्यक्तिहरुले भूमे जनकल्याण समाजका अध्यक्ष धनबहादुर गुरुङ, (९८४१७५७२६१) सचिव सुशील दवाडी (९८५११८२३८५) र सह-काेषाध्यक्ष राजेन्द्र दवाडी (९८४१५०३०९५)लाई प्रत्यक्ष सम्पर्क गरी समन्वय गर्न सकिनेछ। बिरामीलाई सीधै सहयाेग गर्न चाहनेहरुले संगीता गुरुङकाे नाममा रहेकाे राष्ट्रिय बाणिज्य बैंक भच्चेक शाखा गोरखामा रहेकाे खाता नं. ३२४०१००००४७१८०१० मा पठाउन सकिनेछ।
Discussion about this post