खाद्य अनुगमन र भावि योजनाबारे छलफल

भरतपुर । जिल्लामा एक वर्षको अवधिमा गरिएका खाद्य अनुगमनको विषय र भावि योजनाबारे आइतबार जिल्ला प्रशासन कार्यालय चितवनमा छलफल भएको छ ।
छलफलका क्रममा सहभागीहरुले बजार अनुगमन प्रभावकारी हुन नसकेको गुनासो व्यक्त गरे । खाद्य निरीक्षण एकाइले एक वर्षको अवधिमा ६५ पटक अनुगमन गरेको जनाएको छ । जसमा ६६६ वटा पसल रहेका छन् । सबैभन्दा बढी किराना पसल २८०, होटल मिठाई १८५ वटा अनुगमन भएको छ ।
अन्य पसलहरुमा दूध डेरी ८, उद्योग २३, मासु पसल ४०, फलफूल २४, औषधि पसल ४९, सुनचाँदी पसल ८, पेट्रोल २१ र अस्पताल २८ वटा अनुगमन गरिएको खाद्य संरक्षण अधिकृत विष्णु पौडेलले बताउनुभयो । खाद्यसँग सम्बन्धित विषयमा कुल ४६ मुद्दा चलाइएकोमा आधाजसो फैसला भइसकेको पौडेलले बताउनुभयो ।
कार्यक्रममा बोल्दै प्रमुख जिल्ला अधिकारी नरेन्द्रराज शर्माले उपभोक्ता आफँै सजग हुनुपर्नेमा जोड दिनुभयो । के खाँदा कति फाइदा वा बेफाइदा हुन्छ भन्नेबारे उपभोक्ता जागरुक हुनु जरुरी रहेको उहाँको भनाइ छ ।
कार्यक्रममा होटल, दाना, किराना, एग्रोभेट संचालकहरु र उपभोक्ता अधिकारवादी संस्थाका प्रतिनिधिहरुको उपस्थिति रहेको थियो । उपस्थित व्यक्तिहरुले फलफूल, तरकारीमा अत्यधिक विषादी प्रयोग हुने गरेकोमा चिन्ता व्यक्त गरेका थिए ।
कार्यक्रम खाद्य प्रविधि तथा गुण नियन्त्रण कार्यालय हेटाँैडाको आयोजनामा भएको थियो ।